ডিজিটেল ডেস্কঃ এটা সময়ত পৃথিৱীত বিচৰণ কৰি ফুৰা দৈত্যকায় ডাইনোচৰবোৰ এদিন কোনো অজ্ঞাত কাৰণত পৃথিৱীৰ পৰা হেৰাই গৈছিল৷ পৃথিৱীৰ পৰা হেৰাই যোৱা ডাইনোচৰৰ কণীকে ধৰি দেহৰ অৱশিষ্ট এতিয়াও পৃথিৱীৰ বিভিন্ন ঠাইত উদ্ধাৰ হৈ আছে৷ ভাৰতৰ উত্তৰ প্ৰদেশৰ লগতে আমাৰ উত্তৰ -পূব ভাৰততো ডাইনোচৰৰ বিভিন্ন অৱশিষ্ট আৱিষ্কাৰ হৈছে৷ পৃথিৱীৰ পৰা হেৰাই যোৱা বুলি ধাৰণা কৰা দৈত্যকায় ডাইনোচৰ পুনৰ দেখা গৈছে মেক্সিকোত৷
শেহতীয়াকৈ মেক্সিকোৰ হাবিত ডাইনোচৰৰ পোৱালিয়ে দৌৰি থকাৰ দৃশ্য কেমেৰাত বন্দী হৈছে৷ সেই দৃশ্য সামাজিক মাধ্যমত ভাইৰেল হৈ পৰাৰ পিছতে সাধাৰণ মানুহৰ মাজত কৌতূহল বৃদ্ধি পাইছে৷ সেই দৃশ্য সেয়া সঁচা নে মিছা তাকেলৈয়ো প্ৰশ্নৰ উদ্দৰেক ঘটিছে।ভাইৰেল হৈ পৰা ভিডিঅ’ত দেখা গৈছে যে মেক্সিকোৰ এখন অৰণ্যত 'ডাইনোচৰ'ৰ পোৱালিয়ে দৌৰি আছে৷
অৱশ্যে, ভাইৰেল ভিডিঅ'টোত পোৱালিবোৰৰ দেহৰ প্ৰকৃত ৰং কি সেয়া স্পষ্ট নহয়, পোৱালি বোৰ গাঢ় মুগা আৰু ক'লা ৰঙত দৃশ্যমান হৈছে। ভিডিঅ'টোত দেখা গৈছে যে পোৱালিবোৰৰ কিছুমানৰ দীঘল ডিঙি আছে সিহঁতৰ পিছফালে নেজ নাই। পোৱালিবোৰে কিছুমানে অতি দ্ৰুতগতিত দৌৰি থকা দেখা গৈছে।
ভিডিঅ'টোৰ সত্যতা পৰীক্ষা কৰি বহুতে এই সত্যত উপনীত হৈছে যে সেয়া দৰাচলতে ডাইনোচৰ নহয়, দেখাত একেধৰণৰ মংগুজ সদৃশ প্ৰাণীহে।
সেই জীৱবিধৰ নাম হৈছে কোয়েটিছ বা কোটিমুণ্ডিছ। এনে জীৱ দক্ষিণ আমেৰিকা, মধ্য আমেৰিকা, মেক্সিকো আৰু দক্ষিণ-পশ্চিম আমেৰিকাত পোৱা যায়। এই জীৱবোৰ ১৩ ৰ পৰা ২৭ ইঞ্চি দীঘল হয়।সিহঁতৰ প্ৰতিটোৰ ওজন ২ৰ পৰা ৮ কিলোগ্ৰাম পৰ্যন্ত হয়। লগতে মতা কোয়েটিবোৰৰ আকাৰৰ মহিলাতকৈ দুগুণ ডাঙৰ।সিহঁতৰ নখবোৰ ভালুক আৰু ৰেকুনৰ দৰে। আনহাতে মুখখন গাহৰিৰ মুখৰ দৰে।
যেতিয়া এই প্ৰাণীটোৱে দ্ৰুতগতিত দৌৰে এনে লাগে যেন ডাইনোচৰৰ পোৱালিয়েহে দৌৰি আছে৷ এনে প্ৰাণী সাধাৰণতে সাত বছৰলৈকে জীয়াই থাকে। চিৰিয়াখানাত ৰাখিলে এনে প্ৰাণীয়ে কমেও ১৯ বছৰ জীয়াই থাকিব পাৰে বুলি একাংশ স্থানীয় লোকে প্ৰকাশ কৰিছে৷
Continue Reading
