ডিজিটেল ডেস্কঃএলজিবিটিকিউ(সমকামী) সম্প্ৰদায়ৰ সমৰ্থনত ৰেইনব’ চাৰ্ট পিন্ধাৰ বাবে কাটাৰত আটক কৰা আমেৰিকা যুক্তৰাষ্ট্ৰৰ সাংবাদিক গ্ৰাণ্ট ৱাহলৰ ফিফা বিশ্বকাপৰ বাতৰি সংগ্ৰহৰ সমতে মৃত্যু ঘটিছে৷ সাংবাদিকগৰাকীৰ ভাতৃয়ে আজি এই কথা প্ৰকাশ কৰিছে৷শুকুৰবাৰে লুচাইল আইকনিক ষ্টেডিয়ামত আৰ্জেণ্টিনা আৰু নেডাৰলেণ্ডৰ মাজত অনুষ্ঠিত কোৱাৰ্টাৰ ফাইনেল খেলখনৰ বাতৰি সংগ্ৰহ কৰি থকাৰ সময়তেহঠাতে মৃত্যুক সাৱটি লয়৷ ৪৮ বছৰীয়া গ্ৰাণ্ট হৃদৰোগত আক্ৰান্ত হোৱা বুলি সন্দেহ কৰা হৈছে৷
গ্ৰাণ্টৰ ভাতৃ এৰিকে অভিযোগ কৰিছে যে কাটাৰৰ চৰকাৰ গ্ৰাণ্ট ৱাহলৰ মৃত্যুৰ সৈতে জড়িত থাকিব পাৰে।গ্ৰাণ্টৰ ভাতৃ এৰিকে ইনষ্টাগ্ৰামৰ পোষ্টত কয় "মোৰ নাম এৰিক ৱাহল। মই ৱাশ্বিংটনৰ চিয়েটলত বাস কৰো। মই গ্ৰাণ্ট ৱাহলৰ ভায়েক। মই সমকামী," তেওঁ লগতে কয় "তেওঁ বিশ্বকাপত ৰেইনব’ চাৰ্ট পিন্ধিছিল । সেইবাবেই তেওঁক হত্যা কৰা হ’ব পাৰে৷মোৰ ভাতৃ স্বাস্থ্যৱান আছিল। তেওঁ মোক কৈছিল যে তেওঁ মৃত্যুৰ ভাবুকি পাইছিল। মই বিশ্বাস নকৰোঁ যে মোৰ ভাতৃৰ কোনো ৰোগত মৃত্যু হৈছে। মই ভাবো তেওঁক হত্যা কৰা হৈছে।"
উল্লেখ্য বিশ্বকাপৰ আৰম্ভণিতে সাংবাদিক গ্ৰাণ্টে কৈছিল যে বিশ্বকাপৰ নিৰাপত্তাৰক্ষীয়ে তেওঁক আল ৰায়নৰ আহমেদ বিন আলী ষ্টেডিয়ামত ৱেলছৰ বিৰুদ্ধে আমেৰিকা যুক্তৰাষ্ট্ৰৰ খেল খনত প্ৰৱেশ কৰিবলৈ দিয়া নাছিল৷ সমকামী লোকসকলৰ সমৰ্থনত তেওঁ পিন্ধা ৰেইনব’ চাৰ্টটো খুলিবলৈ কোৱা হৈছিল। তেওঁ লগতে কৈছিল যে ঘটনাটোৰ বিষয়ে টুইট কৰাৰ পিছত তেওঁৰ ফোনটো জব্দ কৰা হৈছিল।ইপিনে এই কথা এতিয়াও স্পষ্ট হোৱা নাই যে গ্ৰাণ্টৰ চিকিৎসালয়ত মৃত্যু হৈছিল নে তাৰ পূৰ্বেই তেওঁৰ মৃত্যু ঘটিছিল।ইউএছ ছকাৰ সংস্থাই এক বিবৃতিত কয় যে গ্ৰাণ্টৰ মৃত্যুৰখবৰ হৃদয়বিদাৰক৷
Continue Reading
