ডিজিটেল ডেস্ক: ৰাষ্ট্ৰীয় চলচ্চিত্ৰ দিৱস উপলক্ষে আজি কেৱল ৭৫ টকাতে চিনেমা হলত চাব পাৰিব যিকোনো চিনেমা৷ হয়, ভাৰতবৰ্ষৰ যিকোনো চিনেমাহলতে আজি সুলভ মূল্যতে চাব পাৰিব চিনেমা!
চিনেমাপ্ৰেমী সকলৰ বাবে সুখবৰ৷ আজি ৰাষ্ট্ৰীয় চিনেমা দিৱস ৷ ভাৰতবৰ্ষৰ লাখ লাখ চিনেমা অনুৰাগীয়ে আজি ৰেহাই মুল্যত চাব পাৰিব চিনেমা৷ চিনেমাপ্ৰেমীসকলৰ বাবে আজি এক বিশেষ দিন৷ ভাৰতৰ বিভিন্ন প্ৰান্তত ৪ হাজাৰৰো অধিক ৰূপালী পৰ্দাত বিশেষভাৱে হ্ৰাস কৰা মূল্যত দৰ্শকে চাব পাৰিব চিনেমা। মাল্টিপ্লেক্স এছ’চিয়েশ্যন অব্ ইণ্ডিয়াৰ এক অভিযানৰ অংশ হিচাপে চিনেমা দৰ্শকে ২৩ ছেপ্টেম্বৰত প্ৰতি টিকটত মাত্ৰ ৭৫ টকাত নিজৰ পছন্দৰ যিকোনো থিয়েটাৰত প্ৰৱেশ কৰিব পাৰিব৷
সমগ্ৰ ভাৰততে অংশগ্ৰহণকাৰী চিনেমাহল শৃংখল আৰু পৰ্দাসমূহৰ ভিতৰত আছে পিভিআৰ, আইএনঅক্স, চিনেপলিছ, কাৰ্নিভাল, মিৰাজ, চিটি প্ৰাইড, এছিয়ান, মুক্তা এ২, মুভিটাইম, ৱেভ, এম টু কে, আৰু ডেলাইট। সমগ্ৰ দেশৰ একক পৰ্দাৰ চিনেমা হলসমূহেও এই পদক্ষেপক সমৰ্থন কৰাৰ কথা ঘোষণা কৰিছে। ৭৫ টকাৰ বিপৰীতে ৰিক্লাইনিং চিট টিকটৰ মূল্য হ’ব ১০০ৰ পৰা ২০০ টকা। ইয়াৰ উপৰিও কম হ’ব আইমেক্সৰ টিকটৰ দাম।
এনচিডিত কেজিএফ: চেপ্টাৰ ২, আৰ আৰ আৰ, বিক্ৰম, ভূল ভূলাইয়া ২, আৰু হলিউডৰ ব্লকবাষ্টাৰ ছবি যেনে ডক্টৰ ষ্ট্ৰেঞ্জ, টপ গান: মেভেৰিক, আদিৰ দৰে বহুতো চিনেমা প্ৰদৰ্শিত হ’ব। তদুপৰি, ৰাষ্ট্ৰীয় চিনেমা দিৱস উপলক্ষে দৰ্শকে মাত্ৰ ৭৫ টকাত নতুনকৈ মুক্তি পোৱা ব্ৰহ্মাস্ত্ৰ, জাহান চৰ য়াৰ আদি চিনেমা চাবলৈ সুবিধা লাভ কৰিব।
গতিকে ৰেহাই মূল্যত যদি চিনেমা চাবলৈ বিচাৰিছে আজিয়েই চিনেমা গৃহলৈ যাওক আৰু চিনেমা উপভোগ কৰক৷
