নেহা কক্কৰে ৰিমিক্স কৰিলে ‘মেইনে পায়েল হে ছনকাই’! ফাল্গুনী পাঠকে ক্ষুব্ধ হৈ কৰিলে এই কাম

বহুতে কয় যে এই গানটোৰ লগত আমাৰ শৈশৱৰ স্মৃতি জড়িত হৈ আছে, সেই স্মৃতি নষ্ট কৰাৰ কোনো অধিকাৰ নাই নেহা কক্কৰৰ। ছ’চিয়েল মিডিয়াত তীব্ৰভাৱে ট্ৰ’ল কৰা হৈছে নেহাক। বৰ্তমান গানটোৰ মূল কণ্ঠশিল্পী ফাল্গুনী পাঠকেও নেহাই গোৱা গীতটোৰ বাবে ছ’চিয়েল মিডিয়াত অসন্তুষ্টি প্ৰকাশ কৰে।

ফাল্গুনী পাঠকে এই গীতটোৰ নাম উল্লেখ নকৰাকৈয়ে আৰু নেহাৰ নাম নোকোৱাকৈয়ে নিজৰ অসন্তুষ্টি প্ৰকাশ কৰে। ফাল্গুনীয়ে ইনষ্টাগ্ৰাম ষ্ট’ৰীত একাংশ ইউজাৰৰ স্ক্ৰীণশ্বট শ্বেয়াৰ কৰিছে। এই স্ক্ৰীণশ্বটবোৰত ৰিমিক্সৰ বাবেই ইউজাৰসকলে নেহা কক্কাৰক ট্ৰ’লিং কৰা দেখা গৈছে। এজন ইউজাৰে লিখিছে- ''নেহা কক্কৰে কিছু মগজু ব্যৱহাৰ কৰিব লাগে।'' আন এজন ব্যৱহাৰকাৰীয়ে লিখিছে- ''শৈশৱৰ স্মৃতিবোৰক মই সাঁচি ৰাখিব বিচাৰো। যিটো নেহাই বেয়াকৈ নষ্ট কৰিছে।'' এজনে লিখিছে ''পাপ বন্ধ কৰক। এই গানটো কোনোবাই নিষিদ্ধ কৰিব পাৰিবনে?'' এজন ইউজাৰে লিখিছে ''নেহা আপুনি গান গোৱা বন্ধ কৰক। খিচিৰিৰ দোকান খোলক। আপুনি গানৰ খিচিৰি ভাল বনায়।'' এজন ব্যক্তিয়ে কয় যে, ''নেহা আপুনি ফাল্গুনী পাঠকক ঘোৰ অপমান কৰিছে।''

ছ’চিয়েল মিডিয়াত ক্ষোভ উজৰা নেটিজেনসকলৰ কমেণ্ট আৰু পষ্টৰ স্ক্ৰীণশ্বট শ্বেয়াৰ কৰি এনেদৰে ক্ষোভ উজাৰে ফাল্গুনী পাঠকে।