ডিজিটেল ডেস্কঃ ছাত্ৰ-ছাত্ৰীৰ কেৰিয়াৰত তেওঁলোকৰ হাতৰ আখৰ অতি গুৰুত্বপূৰ্ণ। যদি হাতৰ আখৰ ভাল হয় তেন্তে এজন পঢ়াত দুৰ্বল ছাত্ৰইও পৰীক্ষাত ভাল নম্বৰ লাভ কৰিব পাৰে। হাতৰ আখৰৰ বাবে শিক্ষকসকলেও এনে ছাত্ৰ-ছাত্ৰীক প্ৰশংসা কৰে। আজি আমি আপোনালোকক এনে এগৰাকী ছাত্ৰীৰ বিষয়ে ক'ম, যাৰ হাতৰ আখৰক বিশ্বৰ শ্ৰেষ্ঠ হাতৰ আখৰ হিচাপে গণ্য কৰা হৈছে। সেই ছাত্ৰীগৰাকী নেপালৰ আৰু তাইৰ নাম প্ৰকৃতি মল্লা।
প্ৰকৃতি মল্লাৰ বয়স এতিয়া ১৬ বছৰ। ১৪ বছৰ বয়সত অষ্টম শ্ৰেণীত পঢ়ি থকাৰ সময়ত তেওঁৰ এখন গৱেষণা পত্ৰ ছ’চিয়েল মিডিয়াত ভাইৰেল হৈছিল। সেই কাগজখনৰ হাতৰ আখৰ এনেকুৱা আছিল যে সমগ্ৰ বিশ্বৰ দৃষ্টি আকৰ্ষণ কৰিছিল। প্ৰকৃতিৰ হাতৰ আখৰ দেখি মানুহ আচৰিত হৈ পৰিল। বহুত প্ৰশংসা কৰিলে।
২০২২ চনত নেপালত থকা সংযুক্ত আৰব আমিৰশ্বাহীৰ দূতাবাসে প্ৰকৃতি মাল্লা সন্দৰ্ভত টুইট কৰিছিল। সেই টুইট অনুসৰি, ‘ইউ এ ই ইউনিয়নৰ ৫১ সংখ্যক স্পিৰিট উপলক্ষে নেপালী কিশোৰী প্ৰকৃতি মল্লাক বিশ্ব শ্ৰেষ্ঠ হস্তলিপি বঁটাৰে সন্মানিত কৰা হৈছে।’ ইউ এ ইৰ দূতাবাসৰ বিষয়াসকলেও প্ৰকৃতি মাল্লাক সন্মান জনাইছিল।
সৈনিক আৱাসিক মহাবিদ্যালয়ত অধ্যয়ন কৰা এগৰাকী অতি আশাব্যঞ্জক ছাত্ৰী প্ৰকৃতি মাল্লা। তেওঁৰ হাতৰ আখৰৰ শৈলীও বহুত বেলেগ, যাৰ বাবে তেওঁৰ হাতৰ আখৰ আটাইতকৈ সুন্দৰ। তেওঁৰ হাতৰ আখৰে সকলোকে মোহিত কৰি আহিছে।
