হাৰ্ট এটেকৰ এমাহ আগতে শৰীৰত দেখা দিয়ে এইসমূহ লক্ষণে, সেয়েহে সময় থাকোতেই সাৱধান হওক…

ডিজিটেল ডেস্ক : হাৰ্ট এটেকৰ বিষয়ে সকলোৱে প্ৰায়ে কয় যে সদায় হঠাতে হয়। একে সময়তে চিকিৎসক আৰু বিশেষজ্ঞসকলৰ মতে হাৰ্ট এটেকৰ বেছিভাগৰ ক্ষেত্ৰতে হঠাতে নহয়, বৰঞ্চ হাৰ্ট এটেকৰ লক্ষণৰ কিছুদিন আগতে প্ৰায় এমাহমান আগতে শৰীৰত এনে কিছুমান লক্ষণে দেখা দিয়ে, যিবোৰ আমি গুৰুত্বসহকাৰে নলওঁ। অধিকসংখ্যক লোকেই এই সৰু সৰু লক্ষণবোৰক আওকাণ কৰে। যেনে-অত্যধিক এচিডিটি, সঠিকভাৱে খাদ্য হজম নোহোৱা, হৃদযন্ত্ৰৰ জ্বলা-পোৰা কৰা, পিঠিৰ এফালে অহৰহ বিষ অনুভৱ হোৱাটো এনে বহু ৰোগৰ সৰু লক্ষণ হ’ব পাৰে আৰু জীৱনৰ বাবে মাৰাত্মক হ’ব পাৰে।

 হাৰ্ভাৰ্ড স্বাস্থ্য গৱেষণাই কি কয়-

হাৰ্ট এটেকৰ বহু ক্ষেত্ৰত দেখা গৈছে যে সৰু সৰু লক্ষণে ডাক্তৰৰ কাষ চপাৰ সংকেত দিয়ে, কিন্তু মানুহে ইয়াক সম্পূৰ্ণৰূপে আওকাণ কৰে। শেহতীয়াকৈ হাৰ্ভাৰ্ড হেলথৰ এক গৱেষণা প্ৰকাশ কৰিছে যে তেওঁ মহিলাৰ ওপৰত গৱেষণা কৰিছিল, য’ত ৯৫গৰাকী মহিলাই কৈছিল যে হাৰ্ট এটেকৰ ইতিমধ্যে এমাহ আগতেই কিবা নহয়, কিবা সমস্যাই দেখা দিয়ে। এই গৱেষণাৰ পৰা এইটোও প্ৰকাশ পাইছে যে মানুহে প্ৰায়ে আওকাণ কৰা দুটা অতি সৰু লক্ষণ হৈছে-সদায় ভাগৰুৱা অনুভৱ কৰা আৰু সঠিকমতে টোপনি লাভ নকৰা।

 হাৰ্ট এটেকৰ এমাহ আগতে শৰীৰত এনে লক্ষণ দেখা যায়-

গৱেষণাৰ মতে, উশাহ-নিশাহৰ কষ্ট, দুৰ্বলতা, নিশা ঘাম ওলোৱা, মূৰ ঘূৰোৱা আৰু বমি হোৱা হাৰ্ট এটেকৰ প্ৰাৰম্ভিক লক্ষণ হ’ব পাৰে। একে সময়তে প্ৰায়বোৰ পুৰুষৰ প্ৰাৰম্ভিক লক্ষণ হিচাপে বুকুৰ বিষ, উশাহ লোৱাত কষ্ট হোৱা দেখা যায়।

 হাৰ্ভাৰ্ড হেলথৰ গৱেষণা অনুসৰি, ‘যদি একাংশ লোকে অনবৰতে ভাগৰুৱা, বিচলিত, টোপনি অহা বা উশাহ-নিশাহৰ কষ্ট হয়, তেন্তে ই হাৰ্ট এটেকৰ প্ৰাৰম্ভিক লক্ষণো হ’ব পাৰে।’ এই লক্ষণসমূহৰ প্ৰতি গুৰুত্ব দিলে ইয়াৰ তৎক্ষণাত চিকিৎসা কৰিব পাৰি আৰু হাৰ্ট এটেকৰ পৰা ৰক্ষা কৰিব পাৰি।

হাৰ্ভাৰ্ড হেল্থৰ তথ্য অনুসৰি যিসকল মহিলাই বুকুৰ বিষ, উশাহ-নিশাহৰ কষ্ট, ভাগৰুৱা, ঠাণ্ডা ঘাম, মূৰ ঘূৰোৱা আৰু বমি হোৱা আদি লক্ষণ অনুভৱ কৰে, তেওঁলোকে তৎক্ষণাত চিকিৎসকৰ ওচৰলৈ যাব লাগে।