ডিজিটেল ডেস্কঃ কেতিয়াবা চিনেমাত দেখাৰ দৰে দৃশ্য বাস্তৱ জীৱনতো দেখিবলৈ পোৱা যায়। এনে এটা গোচৰ পোহৰলৈ আহিছে য’ত দেখিবলৈ পোৱা গৈছে এজন প্ৰেমিকৰ পাগল ৰূপ। সেই প্ৰেমিকজনে বহুত বেছি ভালপায় প্ৰেমিকাক। প্ৰেমিকাই স্কুল পৰীক্ষাত ফেইল কৰাত প্ৰেমিকৰ মনটো ইমানেই বেয়া লাগিল যে তেওঁ প্ৰেমিকাৰ স্কুলখনত জুই লগাই দিয়ে।
এই ঘটনাটো ইজিপ্তৰ। সংবাদ মাধ্যমৰ খবৰ অনুসৰি দীৰ্ঘদিন ধৰি প্ৰেমৰ সম্পৰ্কত আছিল এহাল ল’ৰা-ছোৱালী। প্ৰেয়সীক অত্যন্ত ভাল পাইছিল ল’ৰাজনে। ছোৱালীজনীৰ স্কুল পৰীক্ষা চলি আছিল। কিন্তু যেতিয়া ৰিজাল্ট দিলে, তেতিয়া দেখিলে যে ছোৱালীজনীয়ে ফেইল কৰিলে। ভয়তে তেওঁ প্ৰথমতে কথাটো প্ৰেমিকক জনোৱা নাছিল। কিন্তু অৱশেষত যেতিয়া ল’ৰাজনে কথাটো গম পালে তেতিয়া তেওঁৰ মনটো ছোৱালীজনীৰ প্ৰতি বিচলিত হৈ পৰিল।
ল'ৰাটোৱে প্ৰেমিকাক খং কৰা নাছিল। তেওঁ পোনে পোনে স্কুললৈ গৈ তেওঁৰ কেইজনমান বন্ধুৰ সৈতে লগলাগি গোটেই স্কুলত জুই লগাই দিয়ে। এই অগ্নিকাণ্ডত স্কুলখন জ্বলি যোৱাৰ লগতে স্কুলৰ কাৰ্যালয়ত ৰখা সকলো গুৰুত্বপূৰ্ণ নথি-পত্ৰ জ্বলি যায়।
এই কথা পোহৰলৈ অহাৰ লগে লগে ল’ৰাজনক আৰক্ষীয়ে গ্ৰেপ্তাৰ কৰে। খবৰ অনুসৰি ল’ৰাটো আৰু ছোৱালীজনীৰ বিবাহ সোনকালে হ’ব বুলিও কোৱা হৈছে। ল’ৰাজনে বিয়াখন কেনেবাকৈ আকৌ এবছৰ পিছুৱাই যায় বুলি চিন্তাত পৰিছিল আৰু সেয়ে তেওঁ স্কুলখনত জুই লগাই দিয়ে। বৰ্তমান বিষয়টোৰ তদন্ত চলি আছে।
Continue Reading
