হিজাবেই হৈ পৰিল এগৰাকী যুৱতীৰ মৃত্যু কাৰণ, আৰক্ষীৰ জিম্মাত এগৰাকী যুৱতীৰ মৃত্যু

ডিজিটেল ডেস্ক : হিজাব পৰিধান নকৰাটোৱেই কাল হ’ল এগৰাকী যুৱতীৰ। জানিব পৰা মতে ১৩ ছেপ্টেম্বৰৰ দিনা এগৰাকী যুৱতীয়ে তেওঁৰ আত্মীয় ঘৰলৈ যোৱাৰ সময়তে আধা ৰাস্তাতে যুৱতীগৰাকীক আৰক্ষীয়ে গ্ৰেপ্তাৰ কৰে। ইয়াৰ তিনিদিনৰ পাছত অৰ্থাৎ ১৬ ছেপ্টেম্বৰৰ নিশা আৰক্ষীৰ জিম্মাতে যুৱতীগৰাকীৰ মৃত্যু হৈছিল।

যুৱতীগৰাকীৰ আত্মীয়ৰ ঘৰলৈ ফুৰিবলৈ যাওঁতেই হিচাব নিপিন্ধাৰ অপৰাধত তেওঁক আৰক্ষীক গ্ৰেপ্তাৰ কৰে। গ্ৰেপ্তাৰ কৰা যুৱতীগৰাকীৰ নাম আছিল মহচা অমীনী, তেওঁৰ বয়স আছিল প্ৰায় ২২ বছৰ। যুৱতীগৰাকীৰ মৃত্যুৰ পাছত মৃত মহচাৰ মাতৃয়ে আৰক্ষীৰ লোকসকলেই মহচাক হত্যা কৰাৰ অভিযোগ উত্থাপন কৰে।

তেওঁ কৈছে যে আৰক্ষীৰ লোকসকলে মহচাক গ্ৰেপ্তাৰ কৰি বেয়াকৈ প্ৰহাৰ কৰাৰ ফলতেই মৃত্যু ঘটা বুলি অভিযোগ উত্থাপিত হৈছে। কিন্তু আৰক্ষীৰ লোকসকলে এই অভিযোগ অস্বীকাৰ কৰিছে।

ঘটনাটো ইৰানৰ। স্মৰ্তব্য যে ইৰানত হিজাব পৰিধান কৰাটো বাধ্যতামূলক আছিল। হিজাব পৰিধান নকৰাসকল শাস্তিৰ সন্মুখীন হ’বলগীয়া হৈছিল। সেয়েহে মহচাৰ ক্ষেত্ৰতো তেনে এক অনুৰূপ ঘটনাই সংঘটিত হোৱা বুলি সন্দেহ প্ৰকাশ কৰিছে পৰিয়ালৰ লোকে।