ডিজিটেল ডেস্কঃ দেশত কি হৈ আছে...এজনী হিন্দু ছোৱালীৰ কাষত বহাই কাল হল এজন মুছলমান ল'ৰাৰ বাবে। হৰিদ্বাৰৰ এটা ভিডিঅ’ ভাইৰেল হৈ আছে। এই ভিডিঅ’টো বুধবাৰৰ দুপৰীয়াৰ বুলি জানিব পৰা গৈছে। ভিডিঅ’টোত দেখা অনুসৰি হিন্দু ছোৱালীৰ কাষত বহি থকা মুছলমান লকাটোক বেয়াকৈ প্ৰহাৰ কৰে এটা হিন্দু সংগঠনে।
হৰকি পৌৰী অঞ্চলৰ গংগা ঘাটত বহি আছিল দুয়ো। মুছলমান যুৱকজনক মাৰপিট কৰাৰ লগতে মূৰৰ চুলি খুৰাই দিয়ে। ইয়াৰ পিছত ভিডিঅ’টো ফেচবুকত পোষ্ট কৰাৰ পাছত ইণ্টাৰনেট মিডিয়াত ভাইৰেল হৈ পৰে। ছোৱালীজনীৰ সৈতে থিয় হৈ থকা মুছলমান যুৱকজনক ইটোৰ পিছত সিটোকৈ চৰ মাৰে সংগঠনৰ সদস্যই।
তেওঁলোকৰ বিৰুদ্ধে লাভ জেহাদৰ অভিযোগ উত্থাপন কৰিছে। ছোৱালীজনীয়ে বাৰে বাৰে কৈ আছে যে এনেকুৱা একো নহয়। ছোৱালীজনীয়ে যুৱকজনৰ হাতত ধৰি বচাবলৈ চেষ্টা চলাইছে যদিও অভিযুক্তই তেওঁক ধৰি পুনৰ প্ৰহাৰ কৰিবলৈ আৰম্ভ কৰে। কেৱল এয়াই নহয়, ডেকাজনক বহিবলৈ দিয়া হ’ল আৰু এজন নাপিতক মাতি আনি চুলি খুৰাই দিয়া হ’ল। তেওঁলোকৰ লগত থকা আন এজন যুৱক-যুৱতীকো ধৰি জেৰা কৰি থকা হৈছে।
ল’ৰাটো কাশীপুৰৰ আৰু ছোৱালীজনী বিজনুৰৰ বুলি জানিব পৰা গৈছে। ভিডিঅ’ ভাইৰেল হোৱাৰ পিছতে আৰক্ষী তদন্তত নামি পৰিছে। এছ এছ পি প্ৰমেন্দ্ৰ সিং ডোবালে কয় যে বিষয়টো তেওঁলোকৰ দৃষ্টিগোচৰ হৈছে। এক গোচৰ ৰুজু কৰা হৈছে। কাকো আইন নিজৰ হাতত ল’বলৈ দিয়া নহ’ব।
Continue Reading
