ডিজিটেল ডেস্কঃ এইবাৰ তীব্ৰ বিতৰ্কত সাঙোৰ খাই পৰিছে বলিউডৰ বিগ বাজেটৰ ছৱি ‘থেংক গড’। ২৫ অক্টোবৰত মুক্তি লাভ কৰিবলগা চিনেমাখনক লৈ তৎপৰ হৈ পৰিছে উচ্চতম ন্যায়ালয়।
হিন্দুসকলৰ দেৱতা চিত্ৰগুপ্তক লৈ আপত্তিজনক দৃশ্য থকা বুলি ইতিমধ্যে শ্ৰী চিত্ৰগুপ্ত ৱেলফেয়াৰ ট্ৰাষ্ট নামৰ এটা সংস্থাই উচ্চতম ন্যায়ালয়ত এখনি আবেদন কৰিছে। চিত্ৰগুপ্ত সম্পকে আপত্তিজনক সংলাপ, উপহাস, অভিনয় থকা বাবে চিনেমাখনৰ বিৰুদ্ধে ব্যৱস্থা ল’বলৈ আবেদন কৰা হৈছিল। চিনেমাখনৰ ট্ৰেইলাৰ, প’ষ্টাৰো আঁতৰাই পেলাবলৈ অনুৰোধ জনোৱা হৈছিল।
সেই অনুসৰি মুখ্য ন্যায়াধীশ উদয় উমেশ ললিত আৰু ন্যায়াধীশ বেলা এম ত্ৰিৱেদীৰে গঠিত এখনি বিচাৰপীঠে অহা ১ নৱেম্বৰত ইয়াৰ শুনানিৰ তাৰিখ নিৰ্ধাৰণ কৰিছে।
.
উল্লেখ্য যে কমেডি ছৱি ‘থেংক গড’ত অজয় দেৱগণ, সিদ্ধাৰ্থ মালহোট্ৰা আৰু ৰকুল প্ৰীত সিঙে মুখ্য ভূমিকাত অভিনয় কৰিছে। অজয় দেৱগণে চিত্ৰগুপ্তৰ চৰিত্ৰ ৰূপায়ন কৰিছে। ছৱিখন নিৰ্মাণ কৰিছে ভূষণ কুমাৰে আৰু পৰিচালনা কৰিছে ইন্দ্ৰ কুমাৰে।
Continue Reading
