--°C
Loading...
Listen to Article
2 min read
80%
ডিজিটেল ডেস্ক: হিংসাত্মক জুইত জ্বলি আছে ইৰান। মাহছা আমিনীৰ মৃত্যুৰ পিছত হিজাবৰ বিতৰ্ক এতিয়াও বন্ধ হোৱা নাই যে দেশত আন এক বিতৰ্কই জ্বলি উঠিছে। ইৰানত এগৰাকী চুন্নী ছোৱালীৰ ধৰ্ষণৰ গোচৰ অতি উত্তপ্ত হৈ পৰিছে। বালোচ অঞ্চলত চলি আছে হিংসাত্মক বিক্ষোভ। আনকি থানাও জ্বলাই দিয়ে প্ৰতিবাদকাৰীয়ে। প্ৰতিবাদকাৰীৰ সৈতে আৰক্ষীৰ হিংসাত্মক সংঘৰ্ষও হৈছে। আৰক্ষীৰ গুলীচালনাত ৩৬ জন লোক নিহত হোৱাৰ খবৰ আহিছে।

ইৰানৰ চুন্নী সংখ্যাগৰিষ্ঠ চহৰ জাহেদানত ছিয়া সেনাধ্যক্ষৰ বিৰুদ্ধে ৰাজপথলৈ ওলাই আহিছে ৰাইজ। অভিযোগ উত্থাপন হৈছে কৰ্ণেল ইব্ৰাহিম নামৰ এজন ছিয়া কমাণ্ডাৰে এগৰাকী ১৫ বছৰীয়া বেলুচ কিশোৰীক ধৰ্ষণ কৰিছিল।

ইৰানৰ চুন্নী ধৰ্মগুৰু মৌলভি আব্দুল হামিদে যেতিয়া এগৰাকী চুন্নী ছোৱালীৰ ধৰ্ষণৰ কথা নিশ্চিত কৰিলে, তেতিয়া ইৰানৰ দক্ষিণ-পূবত আৰম্ভ হয় প্ৰতিবাদ। বেলুচ জনগোষ্ঠীৰ নেতাসকলৰ নেতৃত্বত চলি থকা এই বিক্ষোভত হিংসাত্মক ৰূপ ধাৰণ কৰে। এই বিক্ষোভত সৰু সৰু ল’ৰা-ছোৱালীও জড়িত আছিল।এই ক্ষোভ এজন ছিয়া সেনাধ্যক্ষৰ বিৰুদ্ধে । যাৰ ওপৰত ধৰ্ষণৰ অভিযোগৰ আছিল। সেয়ে চৰকাৰ আৰু আৰক্ষীও প্ৰতিবাদকাৰীৰ লক্ষ্য হৈ পৰিছিল।

উল্লেখযোগ্য চুন্নী প্ৰতিবাদকাৰীয়ে জাহেদান চহৰৰ কেইবাখনো থানা ঘেৰাও কৰি বন্দী কৰাৰ চেষ্টা চলায়। ইয়াৰ পাছতে আৰক্ষীয়ে এই ভিৰৰ ওপৰত গুলীচালনা আৰম্ভ কৰে। ভিৰৰ ওপৰত হোৱা এই গুলীচালনাত ৩৫ জনতকৈ অধিক লোকৰ মৃত্যু হোৱা বুলি জানিব পৰা গৈছে। গুলীচালনা আৰু তেওঁলোকৰ জনসাধাৰণৰ মৃত্যুত প্ৰতিবাদকাৰীৰ ক্ষোভ আৰু অধিক তীব্ৰতৰ হৈ পৰে। ইয়াৰ পিছতে চৰকাৰী অট্টালিকাৰ পৰা থানালৈ টাৰ্গেট কৰিবলৈ আৰম্ভ কৰে এইসকল লোকে। শিৰাবাদৰ এখন থানাত অগ্নিকাণ্ড।

ইৰানৰ আৰক্ষী আৰু বেলুচ প্ৰতিবাদকাৰীৰ এই সংঘৰ্ষত ইৰাণৰ ৰিভল্যুচনেৰী গাৰ্ডৰ এজন কামাণ্ডাৰ নিহত হৈছিল। ইয়াৰ পিছত ইৰানৰ বহু চহৰত এই হিংসাত্মক পৰিস্থিতি বিয়পি পৰে। কুৰ্দিস্তানত আই আৰ জি চি বাহিনীয়ে প্ৰতিবাদকাৰীৰ ওপৰত প্ৰত্যক্ষভাৱে গুলীচালনা আৰম্ভ কৰে। বিক্ষোভ আৰু এই হিংসা বন্ধ কৰিবলৈ ইৰান চৰকাৰে জাহেদানৰ ইণ্টাৰনেট বন্ধ কৰি দিলে, কিন্তু তেতিয়ালৈকে এই হুলস্থুল আন চহৰলৈ বিয়পি পৰিছিল।

অভিযোগ উত্থাপন হৈছে যে ইৰানৰ নিৰাপত্তা বাহিনীয়ে তেওঁলোকৰ কামাণ্ডাৰক বচাবলৈ ভুক্তভোগী ছোৱালীজনীৰ তিনিজন আত্মীয়ক অপহৰণ কৰি ছোৱালীজনীৰ একো হোৱা নাই বুলি বিবৃতি দিবলৈ বাধ্য কৰাইছিল। অভিযোগ পঞ্জীয়ন নকৰাৰ বাবেও ভুক্তভোগীৰ পৰিয়ালক হেঁচা প্ৰয়োগ কৰা হৈছিল যদিও ছোৱালীজনীয়ে তেওঁৰ নিজৰ বক্তব্যত অতল আছিল। আৰু এই বিষয়টো চুন্নী সম্প্ৰদায়ৰ নেতা তথা ধৰ্মীয় নেতাসকলৰ মাজত বিয়পি যোৱাৰ লগে লগে সমগ্ৰ বেলুচ আৰু চুন্নী জনগোষ্ঠীয়ে চৰকাৰৰ বিৰুদ্ধে ৰাজপথলৈ ওলাই আহিছিল।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ