ডিজিটেল ডেস্ক
বৃহস্পতিবাৰে দেশৰ ১৫খন ৰাজ্যৰ ৯৩টা স্থানত নিজৰ কৰ্মকৰ্তাসকলক গ্ৰেপ্তাৰ কৰাৰ প্ৰতিবাদত পি এফ আইয়ে ১২ ঘণ্টীয়া হাৰতাল আহ্বান কৰে। প্ৰতিবাদী কাৰ্যসূচীৰ সময়ত পি এফ আইৰ ৰাষ্ট্ৰীয় অধ্যক্ষ ও এম এ চালাম, ৰাষ্ট্ৰীয় সম্পাদক নাছাৰুদ্দিন ইলামাৰাম, কেৰেলাৰ সভাপতি চি পি মহম্মদ বছিৰক গ্ৰেপ্তাৰ কৰা হয়।
ৰাজ্যখনৰ বিভিন্ন প্ৰান্তত প্ৰতিবাদী কাৰ্যসূচীৰ ৰূপায়ণ কৰিবলৈ শিলগুটি নিক্ষেপো কৰা হৈছে আৰু অগ্নি সংযোগৰ ঘটনাও সংঘটিত হৈছে৷
বৃহস্পতিবাৰে ৰাষ্ট্ৰীয় তদন্তকাৰী সংস্থাই দেশজুৰি বৃহৎ অভিযান চলাই পিএফআইৰ শীৰ্ষ নেতাসকলক গ্ৰেপ্তাৰ কৰাৰ পিছতে এই বন্ধৰ আহ্বান জনায়।
ৰাজ্যজুৰি এদিনীয়া বন্ধৰ আয়োজন কৰাৰ বাবে কেৰেলা উচ্চ ন্যায়ালয়ে পি এফ আই নেতাসকলৰ বিৰুদ্ধেও মোটা গোচৰ ৰুজু কৰিছে। পূৰ্বৰ কেৰেলা উচ্চ ন্যায়ালয়ৰ নিৰ্দেশ অনুসৰি, অনুমতি অবিহনে কোনেও ৰাজ্যত বন্ধৰ আহ্বান জনাব নোৱাৰে।
ৰাজ্যখনৰ তিৰুৱনন্তপুৰম, কোল্লাম, পাঠনামথিট্টা, আলাপুজা, এৰনাকুলাম, কোঝিকোড, ৱায়ানাডত বিভিন্ন বাহনত শিলগুটি নিক্ষেপ কৰা হৈছিল। আনকি , কান্নুৰৰ নাৰায়ণপাৰাত বাতৰি কাকত বিতৰণ কৰা এখন বাহনত পেট্ৰ’ল বোমা নিক্ষেপ কৰা হয়।
কেৰেলা আৰক্ষীয়ে কয় যে তেওঁলোকে ৰাজ্যখনত নিৰাপত্তা বৃদ্ধি কৰাৰ লগতে জিলা আৰক্ষী অধীক্ষকসকলক আইন-শৃংখলা বজাই ৰখাটো নিশ্চিত কৰাৰ বাবে নিৰ্দেশনা জাৰি কৰিছে। প্ৰশাসনে বিবৃতি প্ৰকাশ কৰি কয় যে, আইন উলংঘা কৰাসকলৰ বিৰুদ্ধে আৰক্ষীয়ে কঠোৰ ব্যৱস্থা গ্ৰহণ কৰিব।
খবৰ অনুসৰি, গৃহমন্ত্ৰী অমিত শ্বাহে সংস্থাসমূহৰ মুৰব্বীসকলৰ সৈতে এক বৈঠকত মিলিত হৈ ঘটনাটো পৰ্যালোচনা কৰে৷ য’ত ৰাষ্ট্ৰীয় নিৰাপত্তা উপদেষ্টা অজিত ডোভালও উপস্থিত আছিল। কেন্দ্ৰীয় বিত্তমন্ত্ৰী নিৰ্মলা সীতাৰমণে লগতে কয় যে, ধন সৰবৰাহ প্ৰতিৰোধ আইন উলংঘা কৰা বুলি ধৰা পৰিলে ইডিৰ ভূমিকাক লৈয়ো প্ৰশ্ন উত্থাপিত হ’ব পাৰে ৷
Continue Reading
