ডিজিটেল ডেস্ক
ভাৰতীয় জনতা পাৰ্টীৰ সাংসদ জনাৰ্দন মিশ্ৰই খালী হাতেৰে মধ্যপ্ৰদেশৰ এখন ছোৱালী বিদ্যালয়ৰ শৌচালয় চাফা কৰে।খাটকাৰী গাঁৱৰ শৌচাগাৰ চাফা কৰি থকা ৰেৱা সাংসদগৰাকীৰ এটা ভিডিঅ’ ছ’চিয়েল মিডিয়াত এতিয়া ভাইৰেল হৈ পৰিছে। ভাইৰেল ভিডিঅ’টোত মিশ্ৰই খালী হাতেৰে, আন কোনো সঁজুলি বা চেনিটেৰী সামগ্ৰী ব্যৱহাৰ নকৰাকৈ শৌচাগাৰটো চাফা কৰি থকা দেখা গৈছে।
মিশ্ৰই নিজৰ টুইটাৰ হেণ্ডেলতো ভিডিঅ’টো শ্বেয়াৰ কৰিছে৷ তেওঁ প্ৰধানমন্ত্ৰী নৰেন্দ্ৰ মোদী, বিজেপিৰ ৰাষ্ট্ৰীয় সভাপতি জে পি নাড্ডা, সাংসদ মুখ্যমন্ত্ৰী শিৱৰাজ সিং চৌহান আদিকো এই টুইটাৰত টেগ কৰা দেখা গৈছে৷
দলৰ দ্বাৰা পৰিচালিত সেৱা পখোৱাদাৰ অধীনত যুৱ মৰ্চাৰ উদ্যোগত আয়োজিত বৃক্ষ ৰোপন কাৰ্যসূচীত অংশগ্ৰহণ কৰিবলৈ বিদ্যালয়খনলৈ গৈছিল সাংসদগৰাকী। এই কাৰ্যসূচীৰ পিছতে সাংসদগৰাকী বিদ্যালয়ৰ লেতেৰা শৌচাগাৰটোৰ বিষয়ে অৱগত হয়৷
ইয়াৰ পিছতে এটা বাল্টিত পানী লৈ খালী হাতেৰে ঘঁহি তেওঁ শৌচাগাৰটো চাফা কৰিলে।
প্ৰধানমন্ত্ৰী মোদীৰ ‘স্বচ্ছ ভাৰত অভিযান’ৰ সমৰ্থক বিজেপি নেতাগৰাকীয়ে বিদ্যালয়ত শৌচাগাৰ চাফা কৰাৰ ঘটনা এইয়াই প্ৰথম নহয়। ২০১৮ চনৰ ফেব্ৰুৱাৰী মাহতো তেওঁৰ সমষ্টিৰ প্ৰাথমিক বিদ্যালয় এখনৰ শৌচাগাৰ চাফা কৰি থকা এটা ভিডিঅ’ ছ’চিয়েল মিডিয়াত ভাইৰেল হৈছিল।
ইয়াৰ পূৰ্বে তেওঁক ৰেৱাৰ ৰাজপথো চাফা কৰি থকা দেখা গৈছিল।
Continue Reading
