ডিজিটেল ডেস্কঃ উত্তৰ প্ৰদেশৰ মিৰাটত সংঘটিত হৈছে এক শোকাৱহ ঘটনা। বায়েকৰ বিয়াত নৃত্য কৰি কৰিয়েই এগৰাকী ১৮ বছৰীয়া কিশোৰীয়ে মৃত্যুৰ কোলাত ঢলি পৰে। ছোৱালীজনীক ৰিমছা বুলি চিনাক্ত কৰা হৈছে। ৰিমছাই বায়েকৰ বিয়াৰ 'হালধি অনুষ্ঠান' (বিবাহৰ পূৰ্বৰ অনুষ্ঠান)ত নৃত্য কৰি আছিল।
ছ'চিয়েল মিডিয়া প্লেটফৰ্মত ভাইৰেল হৈ পৰিছে এই শোকাৱহ ঘটনাটোৰ ভিডিঅ'ত । ভিডিঅ'ত দেখা গৈছে যে ৰিমছাই তেওঁৰ পৰিয়ালৰ সদস্যসকলৰ সৈতে নৃত্য কৰি আছিল।
কিন্তু হঠাতে তেওঁ মজিয়াত বাগৰি পৰে। লগে লগে তেওঁৰ মৃত্যু ঘটে। ভিডিঅ’ত দেখা গৈছে যে ছোৱালীজনীয়ে মজিয়াত ঢলি পৰাৰ পূৰ্বে বুকুত হাত দিছিল। হয়তো তেওঁ হৃদৰোগত আক্ৰান্ত হৈছিল। ৰিমছাৰ এনে আকষ্মিক মৃত্যু সমগ্ৰ এলেকাটোতে শোকৰ ছাঁ পেলাইছে।
Continue Reading
