ডিজিটেল ডেস্কঃ কাৰিকৰী বিজুতিৰ বাবে বুধবাৰে আমেৰিকা যুক্তৰাষ্ট্ৰত সকলো বিমান জৰুৰীকালীনভাৱে অৱতৰণ কৰোৱা হয়৷ এনে বিজুতিৰ বাবে আমেৰিকাত স্থগিত ৰখা হৈছে শ শ ঘৰুৱা আৰু আন্তঃৰাষ্ট্ৰীয় বিমান। কিন্তু ফেডাৰেল এভিয়েচন এডমিনিষ্ট্ৰেচনে এই ত্ৰুটিৰ কাৰণ কি সেই বিষয়ে স্পষ্ট বাৰ্তা দিয়া নাছিল।
প্ৰতিবেদন অনুসৰি এফ.এ.এ.-য়ে ত্ৰুটিটোৰ বিষয়ে সকলো পাইলট আৰু বিমানকৰ্মীলৈ জৰুৰী কালীন বাৰ্তা প্ৰেৰণ কৰিছিল। এক টুইটযোগে এফ.এ.এ.-য়ে কয়: "এফ.এ.এ.-য়ে বিমান সেৱা স্বাভাৱিক অৱস্থালৈ ঘূৰাই অনাৰ বাবে কাম কৰি আছে। কাৰিকৰী বিজুতিৰ বাবে সমগ্ৰ দেশজুৰি বিমান সেৱা ব্যাহত হৈছে। কামৰ অগ্ৰগতি প্ৰতিমুহূৰ্তত জনোৱা হ'ব। "
এনে কাৰিকৰী বিজুতিৰ কাৰণ কি সেইয়া এফ.এ.এ.-য়ে স্পষ্ট নকৰাৰ উপৰিও কিমান দিনলৈ বিমান সেৱা স্থগিত ৰখা হ’ব বা কেতিয়া এনে বিজুতি কেতিয়া নিৰ্মূল কৰা হ’ব সেই বিষয়ে কোনো বাৰ্তা দিয়া নাছিল।
তথ্য অনুসৰি ঘৰুৱা আৰু আন্তঃৰাষ্ট্ৰীয় সকলো বিমান ৰাতিপুৱাৰ পৰা পলমকৈ চলি আছিল। দেশৰ বিভিন্ন প্ৰান্তৰ পৰা পলমকৈ প্ৰস্থান কৰাৰ খবৰ পোৱা গৈছিল। যাত্ৰীসকলেও ইয়াৰ বিষয়ে অভিযোগ কৰিছিল। ইয়াৰ ঠিক পিছতে, সমগ্ৰ দেশৰ বিমানবন্দৰসমূহে ঘোষণা কৰে যে বায়ু নিয়ন্ত্ৰণ প্ৰণালীত এটা ডাঙৰ ত্ৰুটি ধৰা পৰিছে। আৰু ইয়াৰ লগে লগেই সকলো বিমান তললৈ নমাই অনাৰ নিৰ্দেশ দিয়া হয়৷
Continue Reading
