ডিজটিটেল ডেস্কঃ আফগান ৰাজধানী কাবুলত বৈদেশিক মন্ত্ৰালয়ৰ কাৰ্যালয়ৰ সন্মুখত সংঘটিত এক আত্মঘাতি আক্ৰমণত কমেও ২০ জন লোক নিহত হৈছে।
বিস্ফোৰণৰ সময়ত তালিবান প্ৰতিনিধিসকলে চীনা বিষয়াসকলৰ সৈতে বৈঠকত বহিছিল৷
প্ৰশাসনে আশংকা কৰিছে যে বুধবাৰে কাবুলত হোৱা বিস্ফোৰণত হতাহতৰ সংখ্যা বৃদ্ধি পাব পাৰে।
সংবাদ সংস্থাটোৱে জনোৱা অনুসৰি, আত্মঘাতি বিস্ফোৰণৰ সময়ত তালিবান চৰকাৰৰ প্ৰতিনিধিসকলে বিদেশ মন্ত্ৰালয়ৰ কাৰ্যালয়ত চীনা বিষয়াসকলৰ সৈতে বৈঠকত মিলিত হৈছিল। বিস্ফোৰণৰ বিষয়ে খবৰ পোৱাৰ পিছত সুৰক্ষা বাহিনী ঘটনাস্থলীত হাজিৰ হয়।
এএফপিৰ এজন কৰ্মী জামছেদ কৰিমীয়ে বুধবাৰে হোৱা আক্ৰমণৰ সাক্ষী হৈছিল। পেছাত এজন চালক জামছেদে কয়, "মই নাজানো বিস্ফোৰণটোত কিমান জন লোক আহত হৈছিল। কিন্তু মই এজন মানুহত বিস্ফোৰণত উৰি যোৱা দেখিছিলো। ''
স্থানীয় কৰ্তৃপক্ষই আক্ৰমণৰ সত্যতা নিশ্চিত কৰিছে। কাবুল আৰক্ষীৰ মুখপাত্ৰ খালিদ জৰ্ডানে কয় যে ,বিস্ফোৰণটো চহৰখনত সংঘটিত হৈছিল। তেওঁ অৱশ্যে কিমান জন লোক আহত হৈছে সেয়া কোৱা নাছিল।
Continue Reading
