ডিজিটেল ডেস্কঃ হত্যাকাৰীৰ হত্যাৰ লক্ষ্য আছিল পিতৃ-মাতৃ আৰু ভাতৃ। হত্যাৰ পৰিকল্পনা কৰা যুৱকজনে ভাড়াতীয়া হত্যাকাৰীও আনিছিল। কিন্তু ভাড়াত অনা হত্যাকাৰীয়ে ভুলবশতঃ তেওঁৰ ঘৰলৈ অহা তিনিজন আত্মীয়ক হত্যা কৰি থা গ 'ল।। এই ভয়ংকৰ ঘটনাটো সংঘটিত হৈছে কৰ্ণাটকত। আৰক্ষীয়ে জনোৱা অনুসৰি, অভিযুক্তজনক বিনায়ক বাকালে বুলি চিনাক্ত কৰা হৈছে।
মাটি আৰু সম্পত্তিক লৈ তেওঁৰ মাক দেউতাক আৰু ভায়েকৰ সৈতে বিবাদ হৈছিল। বিনায়কে সম্পত্তি দখল কৰিবলৈ ঘৰৰে তিনিজন লোকক হত্যা কৰাৰ পৰিকল্পনা কৰিছিল। তেওঁ ৬৫ লাখ টকা খৰচ কৰি এজন হত্যাকাৰীকো নিয়োগ কৰিছিল। কিন্তু দুৰ্বৃত্তই হত্যা কৰিব লগা লোকসকলক চিনাক্ত কৰিব পৰা নাছিল। সেয়ে দুৰ্বৃত্তই ঘৰলৈ অহা তিনিজন আত্মীয়কে হত্যা কৰে।
ঘটনাটোৱে আলোড়নৰ সৃষ্টি কৰিছে। বিনায়কে তেওঁৰ দেউতাক প্ৰকাশ বাকাল, প্ৰকাশৰ দ্বিতীয়া পত্নী সুনন্দা আৰু তেওঁলোকৰ পুত্ৰ কাৰ্তিকক হত্যা কৰি সমস্ত সম্পত্তি হস্তগত কৰিব বিচাৰিছিল। বিনায়ক প্ৰকাশ বাকালৰ প্ৰথমা পত্নীৰ পুত্ৰ। আৰক্ষীয়ে ঘটনা সন্দৰ্ভত তদন্ত আৰম্ভ কৰিছে।
Continue Reading
