ডিজিটেল ডেস্কঃ গুৱাহাটীৰ এগৰাকী মহিলা হঠাৎ নিৰুদ্দেশ বাংগালুৰুৰ পৰা। মহিলাগৰাকীক বিক্ৰী অথবা হত্যা কৰাৰ সন্দেহ ভাতৃৰ।
চাবিৰ আলী আৰু পৰিয়ালৰ বিৰুদ্ধে এই ভয়ংকৰ অভিযোগ মহিলাগৰাকীৰ পৰিয়ালৰ।
বিগত এমাহ ধৰি সন্ধানহীন কুঞ্জলতা দাস ওৰফে আৰিফা বেগম। ৫ বছৰ পূৰ্বে কুঞ্জলতা দাস বিবাহপাশত আবদ্ধ হৈছিল চাবিৰ আলীৰ সৈতে। বিয়াৰ পাছত কুঞ্জলতা দাসে নাম লৈছিল আৰিফা বেগম।
১৫ বছৰ বয়সতে চাবিৰে পলুৱাই বিয়া পাতিছিল কুঞ্জলতাক। বিয়াৰ পাছৰে পৰা কুঞ্জলতাক অত্যাচাৰ কৰাৰ অভিযোগ চাবিৰৰ বিৰুদ্ধে।
শেহতীয়াকৈ এমাহ পূৰ্বে চাবিৰে বাংগালুৰুলৈ লৈ গৈছিল কুঞ্জলতাক। কিন্তু বাংগালুৰুৰ পৰা কুঞ্জলতাক ঘুৰাই নানিলে চাবিৰে।
কুঞ্জলতাক বাংগালুৰুত হত্যা অথবা বিক্ৰী কৰাৰ অভিযোগ উঠিছে চাবিৰৰ বিৰুদ্ধে। ইতিমধ্যে কুঞ্জলতাৰ ভাতৃয়ে ঘটনা সন্দৰ্ভত লতাশিল থানাত দাখিল কৰিছে এজাহাৰ।
এজাহাৰৰ ভিত্তিত আৰক্ষীয়ে গুৱাহাটীৰ জয়পুৰৰ পৰা গ্ৰেপ্তাৰ কৰিছে চাবিৰ আলীক। ঘটনা সন্দৰ্ভত আৰক্ষীয়ে অব্যাহত ৰাখিছে তদন্ত।
Continue Reading
