ডিজিটেল ডেস্কঃ পাকিস্তানৰ প্ৰাক্তন প্ৰধানমন্ত্ৰী ইমৰান খানে নিজকে স্বৰগৰ দেৱদূত বুলি নাভাৱে। পাকিস্তানৰ প্ৰাক্তন প্ৰধানমন্ত্ৰীগৰাকীৰ নামত উলোৱা 'যৌন ফোন কথোপকথন'ৰ অডিঅ' সম্পৰ্কে এইদৰে প্ৰতিক্ৰিয়া ব্যক্ত কৰিছে তেওঁ নিজে।
এই কাণ্ড পোহৰলৈ অহাৰ পাছতে অনেকে তেওঁক প্লে’বয় হিচাপে অভিহিত কৰিছে। শেহতীয়াকৈ লাহোৰস্থিত তেওঁৰ বাসভৱনত সাংবাদিকৰ সৈতে কথা বাৰ্তা হয় ইমৰানৰ।
"হয়, মই অতীতত এজন প্লেবয় আছিলোঁ। আৰু মই কেতিয়াও দাবী কৰা নাছিলো যে মই এজন দেৱদূত।"- ইমৰান খানে এইদৰে কয়।
উল্লেখ্য যে ডিচেম্বৰৰ শেষ সপ্তাহত এটা অডিঅ' ফাইল টুইটাৰত ভাইৰেল হৈছিল। য'ত ইমৰানৰ দৰে মাত শুনা যায়। বিপৰীত ফালে মহিলাৰ মাত শুনা যায়। নেটিজেনৰ এটা অংশই ঘটনাটোক লৈ পাকিস্তানৰ প্ৰাক্তন প্ৰধানমন্ত্ৰীক গৰিহণা দিছিল।
অৱশ্যে, একাংশই দাবী কৰে যে অডিঅ'টো ভুৱা। ইমৰানৰ ভাৱমূৰ্তি বেয়া কৰিবলৈকে এই ষড়যন্ত্ৰ ৰচনা কৰা হৈছে। এইবাৰ ইমৰানে নিজেই প্ৰায় স্বীকাৰ কৰিলে যে অডিঅ'টোত তেওঁৰ মাত থাকিবও পাৰে। যিয়ে এই বিতৰ্কক এক নতুন মাত্ৰা প্ৰদান কৰিছে।
Continue Reading
