ডিজিটেল ডেস্কঃ তীব্ৰ অৰ্থনৈতিক সংকটে গ্ৰাস কৰিছে দেশ খনক। সেয়ে খৰচ কমাবলৈ এতিয়া দেশ খনে বিবাহ ভৱন এক নিৰ্দিষ্ট সময়ৰ ভিতৰত বন্ধ কৰি দিয়াৰ সিদ্ধান্ত লৈছে। কেৱল সেয়াই নহয় ,লাইট-ফেনৰ উৎপাদনো বন্ধ কৰা হ’ব। পাকিস্তানৰ চৰকাৰৰ অৰ্থনৈতিক আমূল পৰিৱৰ্তনৰ অংশ হিচাবেই এনে সিদ্ধান্ত গ্ৰহণ কৰিছে। বৰ্তমান এক ভয়াৱহ অৰ্থনৈতিক সংকটৰ মাজেৰে পৰিচালিত হৈ থকা পাকিস্তানৰ চৰকাৰে বিদ্যুত শক্তিৰ ব্যৱহাৰ হ্ৰাস কৰিবলৈ আৰু ৰাজকোষৰ বিত্তীয় বোজা হ্ৰাস কৰাৰ বাবে কেইবাটাও পৰিকল্পনা ঘোষণা কৰিছে।
বৰ্ধিত ঋণ নিয়ন্ত্ৰণত ৰাখিবলৈ চৰকাৰে ক্ৰমান্বয়ে নিশা ৮:৩০ বজাৰ পৰা ১০ বজাৰ ভিতৰত বজাৰ আৰু বিবাহ গৃহ বন্ধ কৰাৰ প্ৰস্তাৱ দিছে ।"এই পৰিকল্পনাই ৰাষ্ট্ৰৰ সামগ্ৰিক জীৱনশৈলী আৰু অভ্যাস সলনি কৰিব আৰু আমাক ২৬ নিযুত ডলাৰ (পিকেআৰ ৬০ বিলিয়ন) ৰাহি কৰিব," পাকিস্তানৰ প্ৰতিৰক্ষা মন্ত্ৰী খাজা আচিফ খানে কয়।
তেওঁ কয় "বহু লোকে প্ৰায় ১২০-১৩০ ৱাট বিদ্যুতৰ অপব্যৱহাৰ কৰে। বিবাহ ভৱন সোনকালে বন্ধ বৱ্ধ কৰিলে বিদ্যুতৰ ব্যৱহাৰো কমিব"।একেদৰে অহা মাহৰ পৰা বাল্বৰ নিৰ্মাণ বন্ধ কৰা হ'ব।চৰকাৰে বিদ্যুতৰ বিল আৰু হ্ৰাস কৰিবলৈ ষ্ট্ৰীট লাইটৰ বিকল্প ব্যৱহাৰ কৰিব।
আচিফে কয় যে দেশখন এক 'সংকটজনক' পৰিস্থিতিৰ মাজেৰে গৈ আছে আৰু ই বৰ্তমানৰ বিদ্যুৎ ব্যৱহাৰৰ বোজা সহি থাকিব নোৱাৰে। তেওঁ কয় "সকলো চৰকাৰী ভৱন আৰু কাৰ্যালয়ে এই পৰিকল্পনাৰ অধীনত শক্তিৰ ব্যৱহাৰ হ্ৰাস কৰিব" । উল্লেখ্য এনে সিদ্ধান্ত গ্ৰহণ কৰা কেবিনেট বৈঠকত কোনো লাইট জ্বলোৱা হোৱা নাছিল। সভাখন সম্পূৰ্ণ সূৰ্যৰ পোহৰত অনুষ্ঠিত হৈছিল।
Continue Reading
