ডিজিটেল ডেস্কঃ মাহচা আমিনীৰ মৃত্যুৰ ১০০ দিনৰ পাছতো ইৰাণত হিজাব বিৰোধী প্ৰতিবাদ অব্যাহত আছে। তেনে প্ৰতিবাদৰ মাজতে ইৰাণত এজন নিৰাপত্তাকৰ্মীক প্ৰতিবাদকাৰীয়ে গুলীয়াই হত্যা কৰে। এতিয়ালৈকে দেশ খনত প্ৰতিবাদকাৰীৰ গুলীত মুঠ তিনিজন সুৰক্ষা কৰ্মীয়ে প্ৰাণ হেৰুৱাইছে।
স্থানীয় সংবাদ মাধ্যমৰ বাতৰি অনুসৰি তেহৰাণৰ পৰা ৪৭০ কিলোমিটাৰ দূৰত থকা ছেমিৰাম আৰু ইছফাহান অঞ্চলত এক প্ৰতিবাদী কাৰ্যসূচীত অংশগ্ৰহণ কৰিবলৈ বহু লোক লমবেত হৈছিল। আয়োজকসকলে সামাজিক মাধ্যমৰ মঞ্চ ব্যৱহাৰ কৰি এই প্ৰতিবাদ আয়োজন কৰিছিল। চৰকাৰে প্ৰতিবাদস্থলীলৈ এক বৃহৎ আৰক্ষী বাহিনী প্ৰেৰণ কৰে।
নিৰাপত্তাৰক্ষীসকলে প্ৰতিবাদ বন্ধ কৰিবলৈ যথেষ্ট চেষ্টা কৰিছিল। ফলত দুয়োপক্ষৰ মাজত যুঁজ আৰম্ভ হৈছিল। নিৰাপত্তাৰক্ষীয়ে প্ৰতিবাদকাৰীসকলৰ ওপৰত টিয়েৰ গেছ নিক্ষেপ কৰে, গুলীচালনা কৰে। প্ৰতিবাদকাৰীসকলে নিৰাপত্তাৰক্ষীসকলৰ সৈতেও সংঘৰ্ষত লিপ্ত হয়। ইয়াৰ মাজতে প্ৰতিবাদকাৰীসকলৰ মাজৰ পৰা নিক্ষেৰপ কৰা গুলীয়ে এজন নিৰাপত্তাৰক্ষীৰ মৃত্যু ঘটায়৷ ।
ছেপ্টেম্বৰত, ইৰানী আৰক্ষীয়ে হিজাব পৰিধান নকৰাৰ বাবে ২২ বছৰীয়া মাহচা আমিনীক গ্ৰেপ্তাৰ কৰাৰ পিছতে তেওঁৰ ৰহস্যজনকভাবে মৃত্যু ঘটিছিল৷ ।তেতিয়াৰে পৰা দেশ খনত হিজাব বিৰোধী প্ৰতিবাদ চলি আহিছে।
Continue Reading
