ডিজিটেল ডেস্কঃ অস্ত্ৰ-শস্ত্ৰ ভৰ্তি এখন গাড়ীৰে আহি দুৰ্বৃত্তই আক্ৰমণ চলালে মেক্সিকোৰ কাৰাগাৰত৷ কাৰাগাৰৰ গেট দলটোৱে ভাঙি কাৰাগাৰৰ ভিতৰত প্ৰৱেশ কৰে। তাৰ পিছতে আৰম্ভ হয় নিৰ্বিচাৰ গুলীচালনা। টেক্সাছ সীমান্তৰ ওচৰৰ কাৰাগাৰখনত হোৱা আক্ৰমণত কমেও ১৪ জন লোক নিহত হৈছে।
নিহতসকলৰ ভিতৰত দহজন নিৰাপত্তাৰক্ষীও আছে। আন চাৰিজন ৪ জন বন্দী। এই ঘটনাৰ পিছতে কমেও ২৪ জন বন্দী কাৰাগাৰৰ পৰা পলাই যায়। এই মুহূৰ্তত, আৰক্ষী আৰু দেশ খনৰ সেনাই পৰিস্থিতি নিয়ন্ত্ৰণ কৰি আছে। স্থানীয় প্ৰশাসনে অঞ্চলটোত সতৰ্কবাণী জাৰি কৰিছে।
মেক্সিকোৰ চিউদাদ জুয়াৰেজ অঞ্চল টেক্সাছৰ এল পাসো সীমান্তৰ ওচৰত আছে। তাত থকা কাৰাগাৰখন এখন অতি সংবেদনশীল কাৰাগাৰ হিচাবে চিহ্নিত হৈ আহিছে। একেখন কাৰাগাৰত আগতে বহুবাৰ আক্ৰমণ হৈছিল। নতুন বছৰৰ আৰম্ভনিতে একেই ঘটনা ঘটিল। চিউদাদ জুয়াৰেজৰ এই কাৰাগাৰখনত মুখ্যতঃ ড্ৰাগছ সৰবৰাহৰ সৈতে জড়িত অপৰাধীসকলক ৰখা হৈছে৷
Continue Reading
