ডিজিটেল ডেস্কঃ ১৯৭১ চনত ‘আনন্দ’ ছৱিখনে ব্যাপক জনপ্ৰিয়তা অৰ্জন কৰিছিল। হৃষীকেশ মুখোপাধ্যায় পৰিচালিত চিনেমাখনত অভিনয় কৰিছিল ৰাজেশ খান্না আৰু অমিতাভ বচ্ছনে। উক্ত চিনেমাখনৰ শ্বুটিঙত হোৱা এটা সৰস ঘটনাৰ সোঁৱৰণ কৰিছে বিগবিয়ে।
‘কৌন বনেগা ক্ৰোৰপতি’ৰ মঞ্চত সোঁৱৰণ সেই বিশেষ ঘটনাটো হৈছে অমিতাভ বচ্ছনৰ ওঁঠক কেন্দ্ৰ কৰি। এগৰাকী মহিলা প্ৰতিযোগীয়ে বিগবিৰ ওঁঠৰ প্ৰশংসা কৰাত বিগবিয়ে কয় যে তেওঁৰ ওঁঠ এতিয়াই নহয়, আগৰে পৰা অস্বাভাৱিক ধৰণে ৰঙা আছিল।
“এবাৰ ‘আনন্দ’ৰ শ্বুটিংস্থলীত কেমেৰাৰ সমুখল গৈছো। শ্বট লোৱাৰ পাছতে ছৱিৰ পৰিচালক আৰু কেমেৰামেনে চিঞৰি উঠিল যে কিয় মই লিপষ্টিক লগাইছো ওঁঠত?”
তেতিয়া বিগবিয়ে জনায় যে তেওঁ ওঁঠৰ ৰঙেই তেনেধৰণৰ। ঘটনাটো সোঁৱৰণ কৰাৰ পাছত হাঁহিত ফাটি পৰে বিগ বি আৰু কেবিচিত উপস্থিত থকা সকলো প্ৰতিযোগী।
Continue Reading
