ডিজিটেল ডেস্কঃ অভিনেত্ৰীৰ ভৰি জিভাৰে লেহন কৰিলে ছৱিৰ পৰিচালকে! হয়, ৰাজহুৱাকৈয়ে অভিনেত্ৰী অশু ৰেড্ডীৰ স’তে এই উত্তেজনামূলক কাৰ্যত লিপ্ত হ’ল বলিউডৰ জনপ্ৰিয় পৰিচালক ৰামগোপাল বাৰ্মা।
অভিনেত্ৰীগৰাকীৰ ভৰিত চুম্বন আৰু লেহনৰ ভিডিঅ’টো সামাজিক মাধ্যমত শ্বেয়াৰ কৰিছে পৰিচালকগৰাকীয়ে নিজে। তাৰপাছতে ই ধুমুহাৰ সৃষ্টি কৰিছে।
ৰামগোপাল বাৰ্মাৰ মুক্তি লাভ লাভ কৰিব লগা ছৱি ‘ডেঞ্জাৰাছ’ৰ প্ৰম’চনৰ কালত এই ভিডিঅ’টো ৰেকৰ্ড কৰা হয়। ভিডিঅ’টোত দেখা পোৱা গৈছে যে পৰিচালকগৰাকীয়ে মজিয়াত বহি অভিনেত্ৰীগৰাকীৰ স’তে বাৰ্তালাপত নিমগ্ন হৈ আছে। বাৰ্তালাপৰ মাজতে পৰিচালকগৰাকীয়ে অভিনেত্ৰী অশু ৰেড্ডীক মহিলা হৈ জন্মলাভ কৰাৰ বাবে ধন্যবাদ জনায়। তাৰপাছতে তেওঁ অশু ৰেড্ডীয়ে ভৰিত পিন্ধি থকা ছেন্দেলযোৰ খুলে আৰু হাতেৰে ভৰি দুখন মোহাৰিবলৈ ধৰে। তাৰপাছতে চুমা খায়। কৈ উঠে- “তুমি নাৰী হৈ জন্ম লাভ কৰাৰ বাবে মই ভাল পাইছো। ধন্যবাদ!” তাতে ক্ষান্ত নাথাকিল বাৰ্মা। অশু ৰেড্ডীৰ ভৰিত চুমা আৰু লেহন কৰিবলৈ ধৰে। কিংকৰ্তব্যবিমূঢ় হৈ পৰে অশু ৰেড্ডী।
উল্লেখ্য যে সত্য, ৰোজা, চৰকাৰৰ দৰে জনপ্ৰিয় ছৱিৰে সফলতা লাভ কৰা ৰামগোপাল বাৰ্মা শেহতীয়াকৈ প্ৰায় ছৱি পৰিচালনাৰ পৰা আঁতৰি আছে। তাৰ পৰিৱৰ্তে টুইটাৰত তেওঁ অনেক বিতৰ্কিত প’ষ্টৰ দ্বাৰাহে চৰ্চা লাভ কৰি আহিছে। তাৰ স’তে যোগ হ’ল অশু ৰেড্ডীৰ স’তে কৰা এই ভিডিঅ’টো।
Continue Reading
