ডিজিটেল ডেস্কঃ অৱশেষত জীৱন নাটৰ সামৰণি মাৰিলে এগৰাকী বৈপ্লৱিক ইতিহাসবিদে। বিশ্ব ইতিহাসক নতুন ধৰণে পৰ্যালোচনা কৰাৰ বাটকটীয়া এইগৰাকী ফৰাচী ইতিহাসবিদৰ নাম- ইমানুৱেল লে ৰয় লাডুৰি। ৯৪ বছৰ বয়সত মৃত্যু হয় অধ্যাপকগৰাকী।
লাডুৰিয়ে ফৰাচী বিব্লিঅ’থেক নেচনেলৰ পৰিচালক, কলেজ ডি ফ্ৰান্সৰ অধ্যাপক হিচাপে খ্যাতি অৰ্জন কৰিছিল। তেওঁৰ আটাইতকৈ বেষ্ট চেলাৰ গ্ৰন্থখনি আছিল- ১৯৭৫ চনত প্ৰকাশ পোৱা Montaillou: The Promised Land of Error। এই গ্ৰন্থখনত ১৫ শতিকাৰ ফ্ৰান্সৰ পাইৰেনিয়ান গাঁৱৰ কৃষক জীৱনৰ বিষয়ে আলোকপাত কৰিছিল। আন এখন বেষ্ট চেলাৰ গ্ৰন্থ হৈছে- Carnival in Romans (1979)।
লাডুৰিয়ে ইতিহাসচৰ্চালৈ নতুনত্ব আছিল। প্ৰচলিত ইতিহাসত থকা শাসকৰ কৃতিত্বৰ পৰিৱৰ্তে নামহীন কৃষক আৰু গঞা বিশ্বাস আৰু মনোবিজ্ঞানৰ অনুসন্ধান কৰিছিল। অৰ্থাৎ ওপৰৰ পৰা তলতকৈ তলৰ পৰা ওপৰলৈ অতীতক বুজিবলৈ চেষ্টা কৰিছিল।
এজেন্স ফ্ৰান্স-প্ৰেছ আৰু ফ্ৰান্সৰ অন্যান্য সংবাদ সংস্থাই জনোৱা মতে, তেওঁৰ পৰিয়ালে এই মৃত্যু নিশ্চিত কৰিছে। ল’বছ আলোচনীখনে কয় যে তেওঁৰ মৃত্যু হৈছে পেৰিছত। ফ্ৰান্সৰ ৰাষ্ট্ৰপতি ইমানুৱেল মেক্ৰনে মিষ্টাৰ লে ৰয় লাডুৰীক “আমাৰ অন্যতম শ্ৰেষ্ঠ ইতিহাসবিদ” বুলি অভিহিত কৰে।
১৯২৯ চনৰ ১৯ জুলাইত ফ্ৰান্সৰ নৰ্মাণ্ডিৰ এখন গাঁও লেছ মৌটিয়াৰ্ছ-এন-চিংলেছত জন্মগ্ৰহণ কৰিছিল ইমানুৱেল লে ৰয় লাডুৰীয়ে। তেওঁৰ পিতৃ জেক লে ৰয় লাডুৰী সেই সময়ৰ ফ্ৰান্সৰ ভিচি চৰকাৰৰ কৃষি মন্ত্ৰী আছিল আৰু তেওঁ ফ্ৰান্সৰ নাজী দখলৰ বিৰুদ্ধে প্ৰতিৰোধৰ ক্ষেত্ৰত যোগদান কৰিছিল। তেওঁৰ মাতৃ লিঅ’নটাইন ডাউগাৰ আছিল এজন ভিস্কাউণ্টৰ কন্যা।
Continue Reading
