ডিজিটেল ডেস্কঃ শনিবাৰে মণিপুৰৰ ইথাম গাঁৱত আৰম্ভ কৰা অভিযানৰ সময়ত কেৱাইকেএল (কংলেই ইয়াৱল কান্না লুপ) বিদ্ৰোহী গোটৰ ১২ জন ধৃত কেডাৰক গতাই দিবলৈ বাধ্য হয় নিৰাপত্তা বাহিনী।স্পেয়াৰ কৰ্পছে টুইটাৰত গৈ এই অভিযানৰ সবিশেষ জনাই কয় যে এই অভিযান নিৰ্দিষ্ট চোৰাংচোৱাৰ তথ্যৰ ভিত্তিত আৰম্ভ কৰা হৈছিলবিবৃতিটোত সেনাই উল্লেখ কৰিছে যে মহিলা আৰু এগৰাকী স্থানীয় নেতাৰ নেতৃত্বত প্ৰায় ১২০০-১৫০০ লোকৰে গঠিত এটা দলে সেনাবাহিনীক ঘেৰি ধৰে।
নিৰাপত্তা বাহিনীক বৈধ অভিযান আগবঢ়াই নিবলৈ অনুমতি দিবলৈ আক্ৰমণাত্মক গোটটোক বাৰে বাৰে আবেদন জনোৱাৰ পাছতো গোটটো নিজৰ স্থিতিত অটল থাকে৷ইমান বৃহৎ আৰু উত্তেজিত গোটৰ বিৰুদ্ধে শক্তি ব্যৱহাৰ কৰাৰ সম্ভাৱ্য বিপদ আৰু হতাহতি হোৱাৰ সম্ভাৱনা বিবেচনা কৰি আটক কৰা ১২ জন কেডাৰৰ সকলোকে স্থানীয় নেতাক গতাই দিয়াৰ সিদ্ধান্ত লোৱা হৈছে বুলি সেনাই জনায়।
সেনাই ব্যক্তিকেইজনৰ এজনক স্বয়ম্ভু লেফটেনেণ্ট কৰ্ণেল মইৰাংথেম টাম্বা বুলি চিনাক্ত কৰে, যাক উত্তম বুলিও জনা যায়, যিজন ২০১৫ চনত ৬ ড’গ্ৰা (৬ নং ড’গ্ৰা ৰেজিমেণ্ট)ৰ সৈতে জড়িত এম্বুছ গোচৰৰ মাষ্টাৰমাইণ্ডো আছিল।এই ঘটনাৰ শেষত সেনাই মণিপুৰৰ জনসাধাৰণলৈ আহ্বান জনাই শান্তি আৰু স্থিতিশীলতা গঢ়ি তোলাৰ বাবে আইন-শৃংখলা বজাই ৰখাত নিৰাপত্তা বাহিনীক সহায় কৰিবলৈ আহ্বান জনায়।
Continue Reading
