ভাৰতীয় মহিলাক জিহাদী প্ৰশিক্ষণৰ বাবে জৈছৰ অনলাইন পাঠ্যক্রম, পোহৰলৈ আহিছে পাকিস্তানী সন্ত্রাসবাদীৰ ভয়ংকৰ ষড়যন্ত্ৰ

ডিজিটেল ডেস্ক : দিল্লীৰ লালকিল্লাৰ সমীপত বিস্ফোৰণৰ ঘটনাৰ পাছত নিৰাপত্তা সংস্থাসমূহে চলোৱা অনুসন্ধানত বহু ভয়াৱহ তথ্য পোহৰলৈ আহিছে। সূত্ৰসমূহে প্রকাশ কৰা মতে, পাকিস্তানৰ সন্ত্রাসবাদী সংগঠন জৈছ-এ-মহম্মদৰ সদস্যই ভাৰতত মহিলাক জিহাদী প্রশিক্ষণ দিয়াৰ কামত নিয়োজিত কৰি আছে।

তদন্তত পোহৰলৈ আহিছে যে জৈছে দিল্লীত আক্ৰমণৰ পূৰ্বে অক্টোবৰ মাহৰ শেষৰ সপ্তাহত 'তুহফল উল মমিনাত' নাম লৈ এটা অনলাইন পাঠ্যক্ৰম আৰম্ভ কৰি, বিশেষকৈ ভাৰতীয় মহিলাক জিহাদীৰ প্ৰশিক্ষণৰ ব্যৱস্থা কৰিছিল। দিল্লীৰ বিস্ফোৰণৰ দৰে ঘটনা সংঘটিত কৰাৰ বাবে আৰু ভাৰতত ফিডায়েন আক্রমণ চলোৱাৰ লক্ষ্যৰে জৈছৰ সদস্যই পুঁজি সংগ্ৰহ কৰি আছিল।

ন্যূনতম ৬৪০০ টকা অনুদান হিচাপে সংগ্রহ কৰিছিল জৈছৰ সন্ত্রাসবাদীয়ে। জৈছ-এ-মহম্মদৰ সন্ত্রাসবাদীয়ে এই ক্ষেত্রত বিশেষকৈ নিয়োজিত কৰে ভাৰতীয় মুছলমান মহিলাক। জৈছ-এ-মহম্মদে এই মহিলা সন্ত্রাসবাদীৰ দলটোৰ দ্বাৰা সমগ্ৰ ভাৰততে 'ফিডায়েন আক্ৰমণ'ৰ ব্লুপ্রিন্ট ৰচনা কৰিছিল।

উৎস: দৈনিক জনমভূমি