ডিজিটেল ডেস্কঃ 'ইণ্ডিয়া’ৰ বিৰুদ্ধে আগন্তুক লোকসভা নিৰ্বাচনত প্ৰতিদ্বন্দিতা আগবঢ়াব লাগিব মোদী চৰকাৰে। আই-এন-ডি-আই-এ (the Indian National Developmental Inclusive Alliance, চমুকৈ- I-N-D-I-A) নামেৰে পৰিচিত হ’বলৈ উলাইছে ঐক্যবদ্ধ বিৰোধী ফ্ৰণ্ট।
বেংগালুৰুত অনুষ্ঠিত হোৱা গুৰুত্বপূৰ্ণ বৈঠকত অংশগ্ৰহণ কৰা ২৬টা দলে আজি এই সিদ্ধান্ত লয়। কংগ্ৰেছৰ ৰাহুল গান্ধীয়ে ২০২৪ চনৰ বাবে "মোডী বনাম ইণ্ডিয়া যুদ্ধ’’ বুলি অভিহিত কৰিছে।
"আমি সংবিধান, ভাৰতীয়ৰ কণ্ঠ আৰু ভাৰতৰ ধাৰণা ৰক্ষা কৰি আছো। ভাৰতৰ ধাৰণাৰ লগত যুঁজিব বিচৰা যিকোনো ব্যক্তিৰ কি হয় আপুনি জানে। ভাৰত সদায় সকলো যুঁজতে জয়ী হয়।’-এইদৰে কয় গান্ধীয়ে।
"যুদ্ধখন ভাৰতৰ দুটা ভিন্ন ধাৰণাক লৈ। দেশৰ কণ্ঠ স্তব্ধ কৰা হৈছে। গতিকে এই নামটো বাছি লোৱা হ'ল- I.N.D.I.A,"- তেওঁ লগতে কয়।
ৰাহুল গান্ধীয়েই এই নাম দিছে বুলি জাতীয়তাবাদী কংগ্ৰেছ দলৰ জিতেন্দ্ৰ আহৱাদে কয়। তেওঁ টুইটত লিখে- ''গান্ধীৰ সৃষ্টিশীলতাক শলাগ লৈছো।’
Continue Reading
