ডিজিটেল ডেস্কঃ ভাৰতীয় নিৰ্ভীক সাংবাদিকতাৰ বাবে এক সুখবৰ৷ দ্য ৱায়াৰে প্ৰকাশ কৰা এক তদন্তমূলক প্ৰতিবেদনে ফেডাৰেচন নেজিঅ’নেল ষ্টেম্পা ইটালিয়ানাই দিয়া ‘আঞ্চলিক তদন্তকাৰী সাংবাদিকতাৰ বাবে টিনা মাৰ্লিন বঁটা’ লাভ কৰিছে।
এই প্ৰতিবেদন ভাৰতৰ জলন্ধৰ আৰু ইটালীৰ লেটিনা চহৰৰ পৰা দাখিল কৰা হৈছিল আৰু ইয়াক লিখিছিল কুসুম অৰোৰা, ষ্টেফানিয়া প্ৰাণ্ডি, ফ্ৰান্সেস্কা চিকুলি আৰু চাৰ্লট আগাৰ্ডে।উল্লেখ্য যে কুসুম অৰোৰা দীৰ্ঘদিন ধৰি The Wire ৰ সৈতে জড়িত হৈ আছে।
ইনভেষ্টিগেটিভ ৰিপ’ৰ্ট প্ৰজেক্ট ইটালীৰ পৰ্টেলত এই প্ৰতিবেদন প্ৰকাশ পাইছিল৷এই প্ৰতিবেদনখন 'ইটালীৰ কিৱি ফলৰ সৰবৰাহ আঁৰত ভাৰতীয় শ্ৰমিকৰ শোষণ' শীৰ্ষক শিৰোনামেৰে প্ৰকাশ কৰা হৈছিল। ভাল উপাৰ্জনৰ ধাৰণাৰে প্ৰলোভিত হোৱা হাজাৰ হাজাৰ পঞ্জাবী যুৱকে কেনেকৈ চোৰাংচোৱাক লাখ লাখ টকা দি ইটালীলৈ গৈ প্ৰায় দাসত্বৰ পৰিস্থিতিত কাম কৰে, সেই বিষয়ে গভীৰভাৱে আলোকপাত কৰে৷
১৬ ডিচেম্বৰত অনুষ্ঠিত হোৱা বঁটা বিতৰণী অনুষ্ঠানত ইটালীৰ সাংবাদিক সংস্থাৰ সাধাৰণ সম্পাদক আলেছাণ্ড্ৰা কষ্টাণ্টে, কাউন্সিলৰ সদস্য ডমেনিকো এফিনিটো, মেটিও নাক্কাৰী আৰু মনিকা এণ্ডলফাট্টো, বেলুনো প্ৰদেশৰ মেয়ৰ আৰু সভাপতি ৰবাৰ্ট পেড্ৰিন আৰু আন বহু সাংবাদিক উপস্থিত থাকে।
Continue Reading
