ডিজিটেল ডেস্কঃ হলিউডৰ অভিনেতা টম ক্ৰুজ তেওঁৰ একচন ইমেজৰ বাবে সমগ্ৰ বিশ্বতে বিখ্যাত। অভিনয়ৰ বাহিৰেও টম ক্ৰুজৰ বহুত কামৰ বাবে শলাগ লোৱা হয়। নিজৰ ছবিৰ শ্বুটিঙৰ বাবে বিশ্ব ভ্ৰমণ কৰা টম ক্ৰুজে এতিয়া মহাকাশলৈ যোৱাৰ প্ৰস্তুতি চলাইছে।
ইয়াৰ বাবে টম ক্ৰুজে আন্তঃৰাষ্ট্ৰীয় মহাকাশ কেন্দ্ৰলৈ যোৱাৰ পৰিকল্পনা কৰিছে। টমে ইয়ালৈ গৈ স্পেচ ৱাক কৰিব। যদি এই পৰিকল্পনা সফল হয়, তেন্তে টম ক্ৰুজ হ’ব পাৰে বিশ্বৰ প্ৰথমজন অভিনেতা যিয়ে আন্তঃৰাষ্ট্ৰীয় মহাকাশ কেন্দ্ৰলৈ যাব। ইউনিভাৰ্চেলৰ অধ্যক্ষ ডেম ড’না লেংলেই শেহতীয়াকৈ বিবিচিক দিয়া এক সাক্ষাৎকাৰত এই কথাৰ ইংগিত দিছে।
প্ৰযোজক ডেম ড’না লেংলীয়ে বিবিচিক দিয়া এক সাক্ষাৎকাৰত কয় যে আমি টম ক্ৰুজৰ সৈতে এটা ডাঙৰ প্ৰজেক্টত কাম কৰাৰ পৰিকল্পনা কৰিছো। এই প্ৰকল্পৰ অধীনত আমি ৰকেটেৰে মহাকাশ কেন্দ্ৰলৈ যোৱাৰ পৰিকল্পনা কৰিছো। ইয়াত উপস্থিত হোৱাৰ পিছত টমে তেওঁৰ পৰৱৰ্তী ছবিখনৰ বাবে স্পেচ ৱাক কৰা দেখা যাব। ড’নাই ক’লে যে যদি সকলো পৰিকল্পনা অনুসৰি হয়, তেন্তে আমি অতি সোনকালে আমাৰ ছবিখনৰ দৃশ্যবোৰ মহাকাশত শ্বুটিং কৰিম। এই সকলোবোৰ সফল হ’লে টম ক্ৰুজ হ’ব বিশ্বৰ প্ৰথমজন অভিনেতা যিয়ে মহাকাশত শ্বুটিং কৰিব।
সাক্ষাৎকাৰৰ সময়ত ড’নাই কৈছিল যে ইয়াৰ কাহিনীৰ ওপৰত কাম চলি আছে। ইয়াৰ বাবে আমি প্ৰস্তুতি আৰম্ভ কৰিছো। সকলো পৰিকল্পনা অনুসৰি হ’লে আমি সুখী হ’ম। ড’নাই ছবিখনৰ কাহিনীৰ বিষয়ে কৈছিল যে ছবিখনত টমে এনে এজন ব্যক্তিৰ চৰিত্ৰত অভিনয় কৰিব যিজন এনে পৰিস্থিতিত আবদ্ধ হৈ পৰে যে কেৱল তেওঁহে পৃথিৱীখনক ধ্বংসৰ পৰা ৰক্ষা কৰিব পাৰিব। ইয়াৰ বাবে প্ৰস্তুতি চলাই থকা হৈছে। ইয়াৰ বাবে বহুত পৰিকল্পনা আৰু কঠোৰ পৰিশ্ৰমৰ প্ৰয়োজন। সকলো ঠিকে থাকিলে ইতিহাস ৰচনা কৰিব পাৰিম।
অভিনেতা টম ক্ৰুজ তেওঁৰ একচন ইমেজৰ বাবে পৰিচিত। টম ক্ৰুজৰ বিখ্যাত ছবি মিছন ইম্পছিবলত তেওঁ বহুতো বিপজ্জনক ষ্টাণ্ট কৰিছিল। ইয়াৰ আগতেও টমে বহুতো ছবিত বিল্ডিঙৰ পৰা ওলমি থকা আৰু জপিয়াই পৰাৰ দৰে বহুতো অতি বিপদজনক ষ্টাণ্ট কৰিছে। ইয়াৰ উপৰিও টমে বিমানো চলাব পাৰে। ইয়াৰ বাবে তেওঁ প্ৰশিক্ষণো লৈছে। আনহাতে, যদি এই প্ৰকল্পৰ পৰিকল্পনা সম্পূৰ্ণ সঠিক হয়, তেন্তে টম ক্ৰুজে অতি সোনকালে ইতিহাস সৃষ্টি কৰিব পাৰিব।
Continue Reading
