ডিজিটেল ডেস্ক: ভাৰতীয় নাগৰিক সকলৰ বাবে আধাৰ কাৰ্ড অতি প্ৰয়োজনীয় নথি৷ আধাৰ কাৰ্ডত ৰৈ যোৱা বিসংগতি শুধৰাবলৈ চৰাকাৰে নিৰ্ধাৰণ কৰি দিয়া সময় সীমা তাৰিখ ২০২৪ চনৰ ১৪ ডিচেম্বৰলৈ দিয়া হৈছিল যদিও ভাৰতীয় ইউনিক আইডেন্টিফিকেশন অথৰিটিয়ে আধাৰ সংশোধনীৰ বাবে আৰু ছমাহৰ সময়সীমা দিছে। নতুন সময়সীমা আনুসৰি ১৪ জুন, ২০২৫ত অন্ত পৰিব। MyAadhaar পৰ্টেলৰ জৰিয়তে এই বিনামূলীয়া সেৱা প্ৰদান কৰা হ'ব।
উল্লেখযোগ্য যে ২০১০ চনৰ ২৯ ছেপ্টেম্বৰত প্ৰথম আধাৰ প্ৰৱৰ্তন কৰা হয়। ভাৰতীয় ইউনিক আইডেন্টিফিকেশন অথৰিটিয়ে ভাৰতীয়সকলক কেৱল আধাৰ কাৰ্ড লোৱাৰ বাবেই নহয়, প্ৰয়োজন সাপেক্ষে আধাৰ কাৰ্ডৰ তথ্য, যেনে বাসস্থান সলনি ইত্যাদি আপডেট কৰিবলৈও উৎসাহিত কৰি আহিছে।
বিশেষকৈ যিসকলে প্ৰথম আধাৰ প্ৰৱৰ্তনৰ সময়তে আধাৰ কাৰ্ড বনাইছিল। তেওঁলোকক পুনৰ বিবেচনা কৰিবলৈ অনুৰোধ জনাইছে।
আধাৰৰ জৰিয়তে ৰাজহ/ভাট্টা ফাঁকি ৰোধ কৰাত পেন কাৰ্ডৰ লগতে আধাৰ নম্বৰ এতিয়া সকলো বিত্তীয় লেনদেনত ব্যৱহাৰ কৰা হয়, যাৰ ফলত বিশেষকৈ চৰকাৰী কল্যাণমূলক আঁচনিৰ ধন আৰু ৰাজহুৱা ধন চুৰি হোৱাৰ সম্ভাৱনা নাইকিয়া কৰাত গুৰুত্ব পূৰ্ণ ভূমিকা পালন কৰিছে।
Continue Reading
