ডিজিটেল ডেস্কঃ লোকসভা নিৰ্বাচনৰ পূৰ্বে ইউনিফৰ্ম চিভিল কোড সম্পৰ্কত সৰব হৈ পৰিছে বিৰোধী। ইতিমধ্যে আইন আয়োগে ইউচিচি সন্দৰ্ভত সকলো ধৰ্মীয় সম্প্ৰদায় আৰু সাধাৰণ লোকৰ পৰা মতামত বিচাৰিছে। এই সন্দৰ্ভত জমিয়ত উলেমা-ই-হিন্দে (আৰ্শ্বাদ মাদানী ফৈদ) আইন আয়োগক দিবলৈ নিজৰ মতামত প্ৰস্তুত কৰিছে। যি মতামত আজি বা কাইলৈ আইন আয়োগলৈ প্ৰেৰণ কৰা হ’ব।
সূত্ৰৰ পৰা পোৱা তথ্য অনুসৰি জমিয়ত উলেমা-ই-হিন্দে নিজৰ মতামতত কৈছে যে ইউনিফৰ্ম চিভিল কোড ধৰ্মৰ সৈতে সংঘাতপূৰ্ণ। এনে পৰিস্থিতিত আইন আয়োগে সকলো ধৰ্মৰ দায়িত্বশীল লোকক ফোন কৰি কথা পাতিব লাগে আৰু সমন্বয় স্থাপন কৰিব লাগে। মৌলানা আৰ্শ্বাদ মাদানীৰ জমিয়ত উলেমা-ই-হিন্দে আইন আয়োগলৈ যি পঠিয়াবলগীয়া মতামত সেই মতামত অনুসৰি মুছলমানে এনে কোনো আইন মানি নলয় যিটো শ্বৰীয়ত বিৰোধী। এজন মুছলমানে সকলো সহ্য কৰিব পাৰে কিন্তু নিজৰ শ্বৰীয়তৰ বিৰুদ্ধে যাব নোৱাৰে।
জমিয়ত উলেমা-ই-হিন্দে প্ৰস্তুত কৰা এই মতামতত ইউনিফৰ্ম চিভিল কোড সংবিধানত পোৱা ধৰ্ম পালনৰ স্বাধীনতাৰ বিৰোধী বুলি উল্লেখ কৰিছে। কাৰণ ই সংবিধানৰ ২৫ নং দফাত নাগৰিকক দিয়া ধৰ্মীয় স্বাধীনতা আৰু মৌলিক অধিকাৰৰ সম্পূৰ্ণ বিৰোধী।
Continue Reading
