ডিজিটেল ডেস্কঃ ইউক্ৰেইন আক্ৰমণত ৰাছিয়ান সৈন্যই ধৰ্ষণ আৰু যৌন অত্যাচাৰক 'অস্ত্ৰ’ হিচাপে ব্যৱহাৰ কৰিছে। এই বিস্ফোৰক মন্তব্য কৰিছে ইউক্ৰেইনৰ ফাৰ্ষ্ট লেডি অলেনা জেলেনস্কাই।
ব্ৰিটিছ নিউজ চেনেল স্কাই নিউজে প্ৰকাশ কৰা মতে, ফাৰ্ষ্ট লেডীগৰাকীয়ে লণ্ডনৰ এখন আন্তঃৰাষ্ট্ৰীয় সন্মিলনত এই মন্তব কৰিছে। ৪৪ বৰ্ষীয়া ফাৰ্ষ্ট লেডীগৰাকীয়ে এইক্ষেত্ৰত কেইবাটাও বিস্ফোৰক মন্তব্য কৰিছে।
তেওঁ কয় যে ৰাছিয়াৰ সৈনিকসকলৰ পত্নীসকলেও আনকি ইউক্ৰেইনৰ মহিলাসকলৰ ওপৰত আসুৰিক নিৰ্যাতন চলাবলৈ উৎসাহ প্ৰদান কৰি আহিছে। ফাৰ্ষ্ট লেডীগৰাকীয়ে কয় যে এই যৌন অত্যাচাৰ ৰাছিয়াই পদ্ধতিগত আৰু মকলিভাৱে কৰি আহিছে। বিষয়টোক যুদ্ধ অপৰাধ বুলিও অভিহিত কৰিছে ফাৰ্ষ্ট লেডীগৰাকীয়ে।
''যৌন হিংসা হৈছে কাৰোবাৰ ওপৰত দমন চলাবলৈ কৰা আটাইতকৈ নিৰ্দয়, জীঘাংসু কৌশল। ইউক্ৰেইনত এতিয়া কোনেও সুৰক্ষিত অনুভৱ কৰা নাই।’’- ফাৰ্ষ্ট লেডীগৰাকীয়ে কয়।
''এই যুদ্ধ আৰু সংঘাতৰ সময়ছোৱাত যৌন নিৰ্যাতন ৰাছিয়ানসকলৰ অন্যতম এক অস্ত্ৰ। সেইবাবেই ইয়াক পদ্ধতিগত আৰু মুকলিভাৱে তেওঁলোকে ব্যৱহাৰ কৰিছে।’’- তেওঁ কয়।
''মুঠতে, ৰাছিয়ান সৈনিকসকলৰ পত্নীসকলেও এইক্ষেত্ৰত উৎসাহিত কৰি আহিছে। তেওঁলোকে কৈছে যে যোৱা, ইউক্ৰেইনৰ মহিলাসকলক ধৰ্ষণ কৰা, কেৱল মোক কথাটো নক’বা।’’- ফাৰ্ষ্ট লেডীগৰাকীয়ে দাবী কৰে।
Continue Reading
