ডিজিটেল ডেস্ক: শেহতীয়াকৈ ইউক্ৰেইনৰ চহৰসমূহত উদ্ধাৰ হোৱা গণ কবৰে তীব্ৰ চৰ্চা লাভ কৰে। উল্লেখযোগ্য যে চৰকাৰৰ নিৰ্দেশত উক্ত কবৰসমূহ খান্দি উদ্ধাৰ কৰা হৈছে বহুকেইটা মৃতদেহ। মৃতদেহবোৰ পৰীক্ষা কৰাৰ পাছত দেখা গ’ল যে মৃত্যুৰ পূৰ্বে তেওঁলোক নৃশংস নিৰ্যাতনৰ সন্মুখীন বলি হৈছিল । চোকা অস্ত্ৰৰে যৌনাংগ পৰ্যন্ত কাটি পেলোৱা হৈছিল ।
ইউক্ৰেইনৰ সেনাৰ পশ্চাদপসৰণৰ বাবেই যোৱা কেইসপ্তাহমানৰ পৰা ৰাছিয়াই দেশখনৰ কেইবাটাও অঞ্চলৰ নিয়ন্ত্ৰণ হেৰুৱাই পেলাইছে। খাৰকিভ প্ৰদেশৰ ইজিয়াম চহৰ মুক্ত হোৱাৰ পাছতে এটা গণ কবৰ আৱিষ্কাৰ কৰা হয়। ইউক্ৰেইনে দাবী কৰিছে যে সেই কবৰবোৰত ৰাছিয়াৰ সেনাই কৰা “অমানৱীয়” নিৰ্যাতনৰ ছবিসমূহ সকলোৰে আওতালৈ আহিছে। সংবাদ মাধ্যমৰ বাতৰি অনুসৰি ইজিয়ামত উদ্ধাৰ হোৱা সকলো মৃতদেহতে আঘাতৰ চিন আছিল। সকলোকে যে নিৰ্মমভাৱে অত্যাচাৰ কৰি হত্যা কৰা হৈছিল সেয়া স্পষ্ট। কিছুমানক মৃত্যুৰ পূৰ্বে যৌনাংগ কাটি পেলোৱাৰো অভিযোগ উত্থাপন হৈছে।
ইউক্ৰেইনৰ আভ্যন্তৰীণ পৰিক্ৰমা উপ-মন্ত্ৰী য়েভেনি য়েনিনে কয় যে,'মৃত্যুৰ পূৰ্বে আমি ক’ব নোৱাৰা নিৰ্যাতনৰ বলি হোৱা লোকৰ মৃতদেহ উদ্ধাৰ কৰি আছো। এনে বহু উদাহৰণ আছে য'ত কিছুমানৰ হাত-ভৰি ভাঙি পেলোৱা হৈছিল, কিছুমানৰ মূৰৰ খুলি থেতেলিয়াই পেলাইছিল। ইয়াৰ উপৰিও হাত বান্ধি পুতি থোৱা মৃতদেহও উদ্ধাৰ কৰা হৈছে।''
তথ্য অনুসৰি ইজিয়াম চহৰৰ পৰা এদিনতে ১৪৬টা অংগচ্ছেদ কৰা মৃতদেহ উদ্ধাৰ কৰা হৈছে। ইয়াৰ ভিতৰত আছে দুটা শিশুৰ মৃতদেহ। খাৰকিভ প্ৰশাসনৰ সূত্ৰ অনুসৰি, আটাইকেইজন সাধাৰণ নাগৰিক। কেনেদৰে ধৰ্ষণ হৈছিল সেই কথা জানিবলৈ প্ৰশাসনে নমুনা সংগ্ৰহ কৰিছে। ৰাছিয়াৰ ৰাষ্ট্ৰপতি ভ্লাদিমিৰ পুটিনৰ ঘনিষ্ঠ সেনা বিষয়া আলেকজেণ্ডাৰ ডৰ্নিকভে কেইবামাহো ধৰি পূব আৰু দক্ষিণ ইউক্ৰেইনত সামৰিক অভিযানৰ দায়িত্বত আছে। ‘চিৰিয়াৰ কসাই’ নামেৰে পৰিচিত এই ৰাছিয়াৰ জেনেৰেলৰ বিৰুদ্ধে বিগত সময়ছোৱাত গণহত্যাৰ অভিযোগ উত্থাপন হৈছিল। ইফালে এজিয়ামৰ হত্যাকাণ্ডত আলেকজেণ্ডাৰ ডৰ্নিকভে নামৰ উক্ত ৰাছিয়াৰ সেনা গৰাকীৰে হাত আছিল বুলি বৰ্তমান বহুতে অভিযোগ উত্থাপন কৰে।
Continue Reading
