ইউট্ৰিকুলাৰিয়া ফুৰ্চেলাটা

ডিজিটেল ডেস্কঃ শেহতীয়াকৈ উত্তৰাখণ্ডৰ বন বিভাগৰ গৱেষণা গোটে পশ্চিম হিমালয়ৰ উপত্যকাত এক নতুন মাংসভোজী উদ্ভিদৰ প্ৰজাতি আৱিস্কাৰ কৰিবলৈ সক্ষম হৈছে, যাৰ নাম ইউট্ৰিকুলাৰিয়া ফুৰ্চেলাটা (Utricularia furcellata) ৷ এই গৱেষণাপত্ৰখন প্ৰকাশ হৈছে“ দ্য জাৰ্ণেল অৱ জাপানীজ ব’টানীত”৷ উদ্ভিদবিদ্যা আৰু ইয়াৰ শ্ৰেণীবিভাজনৰ ক্ষেত্ৰখনত ১০৬ বছৰীয়া এই জাৰ্ণেলখনৰ এক সুকীয়া ঠাই আছে । সেয়ে ইয়াক উত্তৰাখণ্ডৰ বন বিভাগৰ এক উল্লেখযোগ্য সাফল্য বুলি অভিহিত কৰিব পাৰি ৷

ৰেঞ্জ অফিচাৰ হৰিশ নেগী আৰু জুনিয়ৰ ৰিচাৰ্চ ফেল’ মনোজ সিঙৰ তৎপৰতাত বন বিভাগৰ এটি গৱেষণা গোটে এই সাফল্য লাভ কৰিবলৈ সক্ষম হৈছে ।

এই উদ্ভিদৰ এনে প্ৰথম ৰেকৰ্ডিং কেৱল উত্তৰখণ্ডতে নহয়, সমগ্ৰ ভাৰতৰ পশ্চিম হিমালয় অঞ্চলত।  1986 চনৰ পিছত এই প্ৰজাতিটো ভাৰতৰ কোনো অংশৰ পৰা সংগ্ৰহ কৰিব পৰা নগ'ল।

বন বিভাগৰ মূখ্য সংৰক্ষক সঞ্জীৱ চতুৰ্বেদীয়ে এই সন্দৰ্ভত কয়, এনে বিৰল প্ৰজাতি উদ্ভিদৰ উদ্ভাৱন কেৱল উত্তৰখণ্ডতে নহয়, সমগ্ৰ ভাৰতৰ ভিতৰত পশ্চিম হিমালয় অঞ্চলত প্ৰথম ।  1986 চনৰ পিছত এই প্ৰজাতিটো ভাৰতৰ আন কোনো অঞ্চলৰ পৰা সংগ্ৰহ কৰিব পৰা নগ'ল।