চীনক ৭-০ গ’লত পৰাস্ত কৰি ফাইনেলত প্ৰৱেশ ভাৰতৰ

ডিজিটেল ডেস্কঃ চীনক ৭-০ গ’লত পৰাস্ত কৰি হকী এছিয়া কাপৰ ফাইনেলত প্ৰৱেশ কৰিছে ভাৰতে। এতিয়া ৭ ছেপ্টেম্বৰত ফাইনেলত টিম ইণ্ডিয়াই দক্ষিণ কোৰিয়াৰ বিৰুদ্ধে খেলিব, যিয়ে মালয়েছিয়াক ৪-৩ গ’লত পৰাস্ত কৰি ফাইনেলত প্ৰৱেশ কৰিছে। 

ৰাজগীৰত চলি থকা হকী এছিয়া কাপ (হকী এছিয়া কাপ ২০২৫ ৰাজগীৰ)ত ভাৰতীয় দলটোৱে এতিয়ালৈকে কোনো মেচত পৰাস্ত হোৱা নাই। অৱশ্যে দক্ষিণ কোৰিয়াৰ বিৰুদ্ধে খেলখন ড্ৰ’ত সমাপ্ত হয়। ভাৰতৰ হৈ মুঠ ৬ গৰাকী খেলুৱৈয়ে গ’ল দিয়ে।

ভাৰতীয় দলটোৱে আৰম্ভণিৰে পৰা আধিপত্য বিস্তাৰ কৰি চতুৰ্থ মিনিটত শিলানন্দ লক্ৰাই গ’ল দি ভাৰতক ১-০ গ’লত আগুৱাই লৈ যায়। মাত্ৰ ৩ মিনিটৰ পাছত দিলপ্ৰীত সিঙে পেনাল্টি কৰ্ণাৰক গ’ললৈ ৰূপান্তৰিত কৰে। দ্বিতীয় কোৱাৰ্টাৰত মাত্ৰ এটা গ’লহে আহে, পেনাল্টি কৰ্ণাৰত মদ্বীপ সিঙে গ’ল দিয়ে।

তৃতীয় কোৱাৰ্টাৰত চীনে পুনৰ ২টা বিপৰ্যয়ৰ সন্মুখীন হয়, আৰু ৪৫ মিনিটৰ খেলৰ অন্তত ভাৰতীয় দলৰ অগ্ৰগতি ৫-০ হয়। তৃতীয় কোৱাৰ্টাৰত ৰাজকুমাৰ পাল সিং আৰু সুখজীত সিঙে গ’ল দিয়ে। শেষৰ কোৱাৰ্টাৰতো ভাৰতে ২টা গ’ল দি ৭-০ গ’লত জয়লাভ কৰে।

এছিয়া কাপত ভাৰতে এখনো মেচত পৰাস্ত হোৱা নাছিল

অহা ৭ ছেপ্টেম্বৰত হকী এছিয়া কাপৰ ফাইনেল খেলত ভাৰত আৰু দক্ষিণ আফ্ৰিকা মুখামুখি হ’ব। এই প্ৰতিযোগিতাত ভাৰত আৰু দক্ষিণ কোৰিয়াৰ মাজত মাত্ৰ এবাৰহে মুখামুখি হৈছে, যেতিয়া তেওঁলোকৰ খেলখন ২-২ গ’লত ড্ৰ’ত সমাপ্ত হয়। মন কৰিবলগীয়া যে টিম ইণ্ডিয়াই গ্ৰুপৰ সকলো খেলতে জয়লাভ কৰিছিল, তাৰ পিছত ছুপাৰ-৪ পৰ্যায়ত তিনিখন মেচৰ ভিতৰত দুখন খেলত জয়ী হৈছিল আৰু দক্ষিণ কোৰিয়াৰ বিৰুদ্ধে খেলখন ড্ৰ’ হৈছিল।

যদি আমি হকী এছিয়া কাপৰ ইতিহাসলৈ চাওঁ তেন্তে টিম ইণ্ডিয়াই ৯ম বাৰৰ বাবে এছিয়া কাপৰ ফাইনেলত প্ৰৱেশ কৰিছে। টিম ইণ্ডিয়াই ৩ বাৰ চেম্পিয়ন হোৱাৰ লগতে যোৱা ৬ টা এছিয়া কাপত ভাৰত আৰু দক্ষিণ কোৰিয়াই তিনিবাৰকৈ চেম্পিয়ন হৈছে। যদি ২০২৫ চনত টিম ইণ্ডিয়া চেম্পিয়ন হয়, তেন্তে এয়া হ’ব ইয়াৰ চতুৰ্থটো এছিয়া কাপ খিতাপ।