বিষয়টো সম্পৰ্কে অৱগত আৰক্ষী বিষয়াসকলে কৈছিল যে সন্দেহযুক্ত ব্যক্তিজনে খাদ্যৰ দেখুৱাই প্ৰলোভিত কৰা ছোৱালীবোৰক উদ্ধাৰ কৰা হৈছিল আৰু তেওঁলোকৰ পিতৃ-মাতৃৰ সৈতে পুনৰ মিলিত কৰা হৈছিল, যিসকলে দিল্লীৰ নিৰ্মাণ ক্ষেত্ৰত দৈনিক মজুৰী শ্ৰমিক হিচাপে কাম কৰে।
ডিজিটেল ডেস্ক :
'মানুহে মানুহৰ বাবে যদিহে অকনো নাভাবে, ভাবিব কোনেনো কোৱা'- এটি ঘটনাই সোঁৰৱাই দিলে ভূপন হাজৰিকাৰ এই কালজয়ী গীতটিৰ কথা৷ এগৰাকী ব্যক্তিৰ মহানুভৱতাই ৰক্ষা কৰিলে দুগৰাকী নাবালিকাৰ জীৱন৷ ঘটনাটো শুনিলে আপোনাৰো চকু কপালত উঠিব৷ এজন ২৪ বছৰীয়া ই-ৰিক্সা চালকে কেৱল দুগৰাকী নাবালিকা ভগ্নীৰ অপহৰণ পৰা উদ্ধাৰ কৰাই নহয়, অপহৰণ কাণ্ডত জড়িত সমগ্ৰ ঘটনাৰ উন্মোচনো কৰে৷
ৰাজধানী দিল্লীত প্ৰশাসনৰ চোকা নজৰৰ পাছতো সংঘটিত
হয় জঘন্য অপৰাধজনিত ঘটনাৰ৷ এইবাৰ দুগৰাকী নাবালিকাক অপহৰণ কৰিও ব্যৰ্থ হয় এটি চক্ৰ৷ বিষয়টো সম্পৰ্কে অৱগত কৰি এগৰাকী আৰক্ষী বিষয়াসকলে কৈছিল যে সন্দেহযুক্ত ব্যক্তি এজনে খাদ্য দেখুৱাই প্ৰলোভিত কৰিছিল দুগৰাকী নাবালিকাক৷ আৰু এক ভয়ংকৰ ঘটনাৰ পৰা কণমানিকেইজনী উদ্ধাৰ কৰি বহুজনৰা বাবে এক উদাৰহণ হৈ পৰিছে এজন ই-ৰিক্সা চালক৷ তেওঁৰ নাম হৈছে ব্ৰহ্ম দত্ত ৰাজপুত৷ ই-ৰিক্সা চালক ব্ৰহ্মই কণমানিকেইজনীক উদ্ধাৰ কৰি তেওঁলোকৰ পিতৃ-মাতৃক গতাই দিছিল৷ নাবালিকাকেইজনীৰ পিতৃ-মাতৃ দিল্লীৰ নিৰ্মাণ ক্ষেত্ৰত দৈনিক মজুৰী শ্ৰমিক হিচাপে কাম কৰে বুলি জানিবলৈ দিয়ে আৰক্ষী বিষয়াজনে।
জ্যেষ্ঠ আৰক্ষী বিষয়াসকলে কৈছিল যে তেওঁলোকে ই-ৰিক্সা চালক ব্ৰহ্ম দত্ত ৰাজপুতক প্ৰশংসনীয় প্ৰচেষ্টাৰ বাবে পুৰস্কৃত কৰিব আৰু অপৰাধ নিয়ন্ত্ৰণত সহায় কৰিবলৈ দিল্লী আৰক্ষীৰ চকু আৰু কাণ হিচাপে ৰাইজে কেনেদৰে অৱদান আগবঢ়াব পাৰে তাৰ এক উদাহৰণ স্থাপন কৰিব। আনহাতে, আৰক্ষীয়ে সন্দেহজনক ব্যক্তিজন সঞ্জয় বুলি চিনাক্ত কৰিছিল আৰু তেওঁক গ্ৰেপ্তাৰ কৰা হৈছে বুলি জানিবলৈ পোৱা গৈছে৷
