জাবৰৰ দম- চৰাইৰ বিষ্ঠাত পোত খাই আছিল বিখ্যাত চিত্ৰকৰৰ এই পেইণ্টিংছখন! এতিয়া নিলামত বিক্ৰী হ’ল ২৪ কোটি টকাত

ডিজিটেল ডেস্কঃ এটা ফাৰ্ম হাউচৰ পিছফালে থকা পুৰণি আচবাবৰ জাবৰৰ মাজত পৰিত্যক্তভাৱে পৰি আছিল এখন ছৱি। ছৱিখনৰ এটা অংশ চৰাইৰ বিষ্ঠাৰে ঢাক খাই আছিল। এই ছবিখনৰ বজাৰ মূল্য এতিয়া ২৪ কোটি টকা!

বৰ্তমান এই ছবিখন ৰটাৰডেমৰ ব’জমেন্স ভান বেউনিংগেন সংগ্ৰহালয়ত ৰখা হৈছে। চিএনএনৰ মতে এই ছবিখন ১৬১৫ চনৰ পৰা ১৬১৮ চনৰ মাজভাগৰ ভিতৰত অংকন কৰা হৈছিল।

চিএনএনৰ তথ্য অনুসৰি বেলজিয়ামৰ বিখ্যাত শিল্পী এণ্টনি ভ্যান ডাইকে এই ছবিখন অংকন কৰিছিল।এজন উলংগ বুঢ়া মানুহক এই ছবিখনত ৰঙীনভাৱে বন্দী কৰা হৈছে।

এন্থনীৰ হাতেৰে অংকন কৰা তৈল চিত্ৰখনৰ নাম হৈছে - ‘চেণ্ট জেৰম’। ছৱিখন আঁকিবলৈ ডাইকে এজন জীৱন্ত বৃদ্ধ মডেল ব্যৱহাৰ কৰিছিল। ডাইকৰ আন বহু ছৱিত বৃদ্ধজনক দেখা যায়।

এলবাৰ্ট বি ৰবাৰ্টছ নামৰ এজন ব্যক্তিয়ে ডাইকৰ এই ছবিখন অতি কম দামত ফাৰ্ম হাউচটোৰ পৰা কিনিছিল। ডাইকে অংকন কৰা এই ছবিখন এলবাৰ্টে মাত্ৰ ৬০০ ডলাৰ বা ভাৰতীয় মুদ্ৰাত ৪৯ হাজাৰ টকাত কিনিছিল।

চুজান জে বাৰ্নছ নামৰ এগৰাকী ইতিহাসবিদে এই ছবিখন চিনাক্ত কৰিছিল। চুজেনে কয় যে ডাইকৰ ছবিখনত চৰাইৰ মল থাকিলেও ভালদৰে সংৰক্ষিত হৈ আছে।

২৬ জানুৱাৰীত ডাইকৰ এই ছবিখন নিলামত বিক্ৰী হৈছিল ২৪ কোটি টকাত। নিলাম সংস্থাটোৰ মতে, ডাইকৰ অংকনত মানুহৰ শৰীৰৰ গঠন স্পষ্টকৈ দেখা যায়। চিত্ৰকলাৰ অধ্যয়নৰ বাবেও ডাইকৰ সৃষ্টি অনন্য।