জামিনৰ ম্যাদ উকলিলঃ আজি বিয়লি তিহাৰ কাৰাগাৰলৈ গৈ আত্মসমৰ্পন কৰিব কেজৰিৱালে

 দুপৰীয়া ৩ বজাত ঘৰৰ পৰা ওলাই যাম। প্ৰথমে ৰাজঘাটলৈ গৈ মহাত্মা গান্ধীক শ্ৰদ্ধাঞ্জলি জনাম। তাৰ পৰা মই কনট প্লেচত থকা হনুমান মন্দিৰলৈ গৈ হনুমান জীৰ আশীৰ্বাদ বিচাৰিম আৰু তাৰ পৰা দলৰ কাৰ্যালয়লৈ গৈ সকলো কৰ্মী আৰু দলৰ নেতাক লগ কৰিম। তাৰ পৰা মই আকৌ তিহাৰলৈ ৰাওনা হ'ম।আপোনালোক সকলোৱে নিজৰ যত্ন লওক। যদি আপোনালোক সুখী  হৈ থাকে তেন্তে আপোনালোকৰ  কেজৰিৱালো  জে’লত সুখী হব।’’

 উল্লেখ্য দিল্লীৰ আবকাৰী নীতিৰ গোচৰত গ্ৰেপ্তাৰ হোৱা দিল্লীৰ মুখ্যমন্ত্ৰী অৰবিন্দ কেজৰিৱালক  গ্ৰেপ্তাৰৰ ৫০ দিনৰ পিছত  উচ্চতম ন্যায়ালয়ে চৰ্ত সাপেক্ষ  জামিন প্ৰদান কৰিছিল। উচ্চতম ন্যায়ালয়ে  কেজৰিৱালক ১ জুনলৈকে অন্তৱৰ্তীকালীন জামিন প্ৰদান কৰিছিল। অৱশ্যে উচ্চতম ন্যায়ালয়ে তেওঁক সময়সীমা উকলি যোৱাৰ পিছতেই  কাৰাগাৰ কৰ্তৃপক্ষৰ সন্মুখত আত্মসমৰ্পণ কৰিবলৈ নিৰ্দেশ দিছিল। উচ্চতম ন্যায়ালয়ে এইবুলি স্পষ্ট কৰি দিছিল যে কেজৰিৱালক জামিন প্ৰদান কৰিলেও তেওঁ মুখ্যমন্ত্ৰী হিচাবে চৰকাৰী কাম-কাজ পৰিচালনা কৰিব নোৱাৰিব। মূলতঃ লোকসভা নিৰ্বাচনৰ প্ৰচাৰৰ বাবেই কেজৰিৱালক জামিন প্ৰদান কৰা হৈছিল।  আবকাৰী নীতি  দুৰ্নীতিৰ গোচৰ সন্দৰ্ভত ২১ মাৰ্চত ইডিয়ে কেজৰিৱালক জিম্মাত লৈছিল। দুসপ্তাহ পিছত  তেওঁক তিহাৰ কাৰাগাৰলৈ প্ৰেৰণ কৰা হৈছিল।  

দিল্লীৰ মুখ্যমন্ত্ৰীগৰাকীয়ে উচ্চতম  ন্যায়ালয়ত  ইডিৰ গ্ৰেপ্তাৰক প্ৰত্যাহ্বান জনাই আবেদন কৰিছিল। জৰিৱালৰ অধিবক্তা অভিষেক মনু সিংভিয়ে দিল্লীৰ মুখ্যমন্ত্ৰীক নিৰ্বাচনৰ ফলাফলৰ দিনলৈকে জামিন দিয়াৰ দাবী জনাইছিল। কিন্তু ২ জুনত উচ্চতম ন্যায়ালয়ে কেজৰিৱালক আত্মসমৰ্পণ কৰিবলৈ নিৰ্দেশ দিছিল।