ডিজিটেল ডেস্কঃ লোকসভা নিৰ্বাচনৰ সপ্তম তথা অন্তিম পৰ্যায়ৰ ভোটগ্ৰহণ শনিবাৰে বিয়লি ৬ বজাত অন্ত পৰে। ৭খন ৰাজ্য/কেন্দ্ৰীয় শাসিত অঞ্চলৰ ৫৭টা সংসদীয় সমষ্টিৰ বাবে ২,১০৫গৰাকী প্ৰাৰ্থীয়ে মনোনয়ন পত্ৰ দাখিল কৰিছিল৷ তেওঁলোকৰ মাজৰে ৯০৪ গৰাকী প্ৰাৰ্থী শেষলৈ নিৰ্বাচনী যুঁজত বৰ্তি থাকে। আজি উত্তৰ প্ৰদেশ আৰু পঞ্জাৱৰ তেৰখন আসন, পশ্চিম বংগৰ ৯খন, বিহাৰৰ ৮খন, ওড়িশাৰ ছখন, হিমাচল প্ৰদেশৰ ৪খন, ঝাৰখণ্ডৰ ৩খন আৰু চণ্ডীগড়ৰ এখন আসন অহা ১ জুনত নি ভোটগ্ৰহণ কৰা হয় ।
ইয়াৰ উপৰি ওড়িশাৰ ৪২খন বিধানসভাৰ আসনতো নিৰ্বাচন অনুষ্ঠিত হয় । ৪ জুনত অনুষ্ঠিত হ’ব ভোটগণনা। আজি ভোটগ্ৰহণ অনুষ্ঠিত হোৱা সমষ্টি কেইটাত বিয়লি ৭ বজালৈকে৫৯.০৩শতাংশ ভোটদান হয় ৷
৭ বজালৈকে সৰ্বাধিক ভোটদান হৈছে পশ্চিম বংগত। বংগত এই সময়ছোৱাৰ ভিতৰত ভোটদানৰ হাৰ হৈছে ৬৯.৮৯ %।বিহাৰত সৰ্বনিম্ন ৪৯.৪২ শতাংশ ভোটদান হয়। পশ্চিম বংগত আজি ৯ খন আসনত ভোটদান হয়। মোদীৰ সমষ্টি বাৰানসীত সন্ধিয়া ৭ বজালৈকে পোৱা তথ্য অনুসৰি ৫৬.৩৫ শতাংশ ভোটদান হয় ।
Continue Reading
