ডিজিটেল ডেস্ক: ভাৰতৰ স্বাধীনতা সংগ্ৰামৰ মুক্তিস্বপ্নৰ প্ৰাণ প্ৰতিষ্ঠাতা, দুৰ্জেয় সেনানী নেতাজী সুভাষ চন্দ্ৰ বসুৰ জন্মদিৱসৰ সৈতে সংগতি ৰাখি আজি কলকাতাত এই বৰ্ষৰ নেতাজী বঁটা প্ৰদান কৰা হয়৷ জাপানৰ প্ৰাক্তন প্ৰধানমন্ত্ৰী শিনজো আবেক নেতাজী বঁটা, ২০২২ প্ৰদান কৰা হৈছে৷
কলকাতাত জাপানৰ কনচুল জেনেৰেল নাকামুৰা য়ুটাকাই আবেৰ হৈ এই বঁটা গ্ৰহণ কৰে৷ জাপানৰ প্ৰাক্তন প্ৰধানমন্ত্ৰী শিনজো আবেক নেতাজী গৱেষণা ব্যুৰোৰ দ্বাৰা নেতাজী বঁটা-২০২২ প্ৰদান কৰা হৈছিল। কলকাতাত জাপানৰ কনচুল জেনেৰেল নাকামুৰা য়ুটাকাই নেতাজী সুভাষ চন্দ্ৰ বসুৰ ১২৫সংখ্যক জয়ন্তীত এলগিন ৰোডৰ বাসভৱনত এক অনুষ্ঠানত আবেৰ হৈ এই বঁটা গ্ৰহণ কৰিছে৷ ভাৰতস্থ জাপানী ৰাষ্ট্ৰদূত সাতোশী চুজুকীয়ে নতুন দিল্লীৰ পৰা অনুষ্ঠানটো সম্বোধন কৰিছিল।
কিংবদন্তি স্বাধীনতা সংগ্ৰামীগৰাকীৰৰ নাতি-ভতিজা আৰু নেতাজী গৱেষণা ব্যুৰোৰ সঞ্চালক সৌগত বসুৱে জাপানৰ প্ৰাক্তন প্ৰধানমন্ত্ৰী আবেক নেতাজীৰ এগৰাকী অনুৰাগী তথা প্ৰশংসক বুলি অভিহিত কৰে।
Continue Reading
