ডিজিটেল ডেস্ক: প্ৰথমবাৰৰ বাবে জাপানৰ মহিলাসকলে লাভ কৰিছে সকাহ। জাপানৰ স্বাস্থ্য মন্ত্ৰালয়ে গৰ্ভপাতৰ বড়ি ব্যৱহাৰত অনুমোদন জনোৱাৰ পিছতে বহু জাপানী মহিলাই আনন্দ প্ৰকাশ কৰিছে। গৰ্ভৱতী মহিলাসকলে গৰ্ভধাৰণৰ প্ৰাৰম্ভিক পৰ্যায়ত এই বড়ি ব্যৱহাৰ কৰিব পাৰিব।
জাপানত ২২ সপ্তাহত গৰ্ভপাত আইনী প্ৰক্ৰিয়া হিচাবে গণ্য কৰা হয়। কিন্তু তাৰ বাবে স্বামীৰো অনুমোদনৰ প্ৰয়োজন। এতিয়ালৈকে জাপানত অস্ত্ৰোপচাৰৰ জড়িয়তেহে প্ৰয়োজনত গৰ্ভপাত কৰা হৈ আহিছে৷কিন্তু এতিয়া ব্ৰিটিছ ফাৰ্মাচিউটিকেল কোম্পানী লাইনফাৰ্মাৰ দ্বাৰা প্ৰস্তুত কৰা ঔষধ দেশ খনত বৈধ হিচাবে পৰিগণিত হৈছে। বড়িটোৰ ব্যৱহাৰৰ বাবে ২০২১ চনৰ ডিচেম্বৰ মাহত চৰকাৰৰ সন্মতিৰ বাবে জাপানী কৰ্তৃপক্ষৰ ওচৰত দাখিল কৰা হৈছিল।
অৱশেষত ইয়াক অনুমোদন জনোৱা হৈছে।উল্লেখ্য পৃথিৱীৰ প্ৰথম গৰ্ভপাতৰ বড়ি ফ্ৰান্সত প্ৰৱৰ্তন কৰা হৈছিল। বড়িটো ১৯৮৮ চনত অনুমোদিত হৈছিল। ঔষধটো ২০০০ চনৰ পৰা আমেৰিকা যুক্তৰাষ্ট্ৰত প্ৰৱৰ্তন কৰা হৈছে। কিন্তু শেহতীয়াকৈ আমেৰিকাত গৰ্ভপাতৰ বৈধতা সম্পৰ্কে এক বিতৰ্কৰ সৃষ্টি হৈছে। আমেৰিকা যুক্তৰাষ্ট্ৰৰ উচ্চতম ন্যায়ালয়ে ৰায় দিছিল যে ৫০ বছৰ পুৰণি গৰ্ভপাত আইন খন বাতিল কৰিব লাগে।
গৰ্ভপাত আৰু বৈধ কৰা নহ'ব। আদালতৰ এনে ৰায়ৰ বিৰুদ্ধে সাধাৰণ মানুহৰ পৰা বিখ্যাত ব্যক্তিলৈকে বহুতেই প্ৰতিবাদত নামি পৰিছে।পিছত কেইখনমান প্ৰাদেশিক আদালতে উচ্চতম ন্যায়ালয়ৰ ৰায়ৰ বিৰুদ্ধে মত দিছিল। এপ্ৰিল মাহত মাইফোপ্ৰিষ্টন নামৰ ঔষধটো অস্থায়ীভাৱে আমেৰিকাত নিষিদ্ধ কৰা হৈছিল। এই ঔষধটো আমেৰিকা যুক্তৰাষ্ট্ৰত কমেও ৫৩ শতাংশ গৰ্ভপাতত ব্যৱহাৰ কৰা হয়। কিন্তু উক্ত ৰায় ঘোষণা হোৱাৰ এঘণ্টা পিছত ৱাশ্বিংটনৰ এখন প্ৰাদেশিক আদালতে কয় যে এই আদেশ ১৭ খন ৰাজ্যত কাৰ্যকৰী নহ'ব।
Continue Reading
