ডিজিটেল ডেস্কঃ বাৰ্ষিক জি-৭ সন্মিলনত অংশগ্ৰহণৰ বাবে জাপানৰ হিৰোচিমা ভ্ৰমণলৈ গৈছে প্ৰধানমন্ত্ৰী নৰেন্দ্ৰ মোদী। জাপানৰ প্ৰধানমন্ত্ৰী ফুমিঅ’ কিছিদাৰ আমন্ত্ৰণত হিৰোচিমালৈ গৈছে প্ৰধানমন্ত্ৰী মোদী। জি-৭ৰ বৈঠকত অংশগ্ৰহণ কৰাৰ পূৰ্বে ইয়াত ফুমিঅ’ক সাক্ষাৎ কৰি মহাত্মা গান্ধীৰ প্ৰতিমূৰ্তি উন্মোচন কৰে। উন্মোচনৰ সময়ত তেওঁ বিশ্ববাসীক শান্তিৰ বাৰ্তাও প্ৰদান কৰে।
হিৰোচিমাত মহাত্মা গান্ধীৰ প্ৰতিমূৰ্তি স্থাপন আৰু উন্মোচনৰ সুযোগ দিয়াৰ বাবে প্ৰধানমন্ত্ৰী নৰেন্দ্ৰ মোদীয়ে জাপান চৰকাৰক ধন্যবাদ জ্ঞাপন কৰে। তেওঁ কয় যে আমি সকলোৱে মহাত্মা গান্ধীৰ আদৰ্শ অনুসৰণ কৰি বিশ্ব কল্যাণৰ পথত আগবাঢ়িব লাগে। এয়া হ'ব মহাত্মা গান্ধীৰ প্ৰতি প্ৰকৃত শ্ৰদ্ধাঞ্জলি।
প্ৰধানমন্ত্ৰী মোদীয়ে আৰু কয় যে হিৰোচিমাত মহাত্মা গান্ধীৰ প্ৰতিমূৰ্তিয়ে অহিংসাৰ ধাৰণাটোক আৰু আগুৱাই নিব। জাপানৰ প্ৰধানমন্ত্ৰীক উপহাৰ দিয়া বোধি গছ ইয়াত হিৰোছিমাত ৰোপণ কৰা হৈছে, যাতে মানুহে ইয়ালৈ আহিলে শান্তিৰ গুৰুত্ব বুজিব পাৰে বুলি জনাটো তেওঁৰ বাবে এটা ডাঙৰ মুহূৰ্ত।
মোদীয়ে কয় যে আজিও হিৰোচিমাৰ নাম শুনি বিশ্ব কঁপি উঠে। জি-৭ শীৰ্ষ সন্মিলনৰ এই ভ্ৰমণত তেওঁ প্ৰথমে পূজনীয় মহাত্মা গান্ধীৰ প্ৰতিমূৰ্তি উন্মোচন কৰাৰ সৌভাগ্য লাভ কৰে। আজি বিশ্বই জলবায়ু পৰিৱৰ্তন আৰু সন্ত্ৰাসবাদৰ যুদ্ধত যুঁজি আছে। পূজ্য বাপুৰ আদৰ্শই জলবায়ু পৰিৱৰ্তনৰ সৈতে যুঁজত জয়ী হোৱাৰ সৰ্বোত্তম উপায়। তেওঁৰ জীৱনশৈলী প্ৰকৃতিৰ প্ৰতি সন্মান, সমন্বয় আৰু নিষ্ঠাৰ এক নিখুঁত নিদৰ্শন হৈ আহিছে। মহাত্মা গান্ধীৰ প্ৰতিমূৰ্তি উন্মোচন কৰাৰ পাছত ভাৰতীয় প্ৰবাসী লোকসকলকো নৰেন্দ্ৰ মোদীয়ে সাক্ষাৎ কৰে।
Continue Reading
