ডিজিটেল ডেস্কঃ ৰাছিয়া-ইউক্ৰেইনৰ যুদ্ধই এতিয়া ইউক্ৰেইনৰ বাসিন্দাসকলৰ মনোজগততো প্ৰভাৱ পেলাইছে। অনৱৰতে মৃত্যুৰ আশংকা মূৰ পাতি লৈ থকা ইউক্ৰেইনৰ বহু বাসিন্দাই শেহতীয়াকৈ এক অভিনৱ পন্থাৰে জীৱন উপভোগ কৰাৰ পৰিকল্পনা কৰিছে।ৰাছিয়াৰ ৰাষ্ট্ৰপতি ভ্লাদিমিৰ পুটিনৰ পাৰমাণৱিক অস্ত্ৰ নিক্ষেপৰ পিছতে ইউক্ৰেইনৰ একাংশ লোকে এক যৌন পাৰ্টিৰ পৰিকল্পনা কৰিছে।
এয়া ভ্লাদিমিৰ পুটিনৰ সিদ্ধান্তৰ এক সবল প্ৰতিবাদৰ লগতে ইউক্ৰেইনৰ একাংশ লোকৰ জীৱনক ভালপোৱাৰো পৰিচায়ক হ’ব বুলি বহুতে মন্তব্য কৰিছে। যুদ্ধবিধ্বস্ত ৰাষ্ট্ৰখনৰ প্ৰায় ১৫,০০০ তকৈও অধিক লোকে এই ’ছেক্স পাৰ্টি’ত ভাগ ল’ব বুলি জনা গৈছে। নিউয়ৰ্ক পোষ্টৰ এক প্ৰতিবেদন অনুসৰি ১৫,০০০ ব্যক্তিয়ে এই অনুষ্ঠানটোৰ বাবে নাম পঞ্জীয়ন কৰিছে।
ইউক্ৰেইনৰ শ্চেকাভিষ্টছাৰ এখন পাহাৰত এই গণ অনুষ্ঠান অনুষ্ঠিত হ'ব। ৰাছিয়াই পাৰমাণৱিক অস্ত্ৰ ৰে’লৰ জৰিয়তে পৰিবহন কৰাৰ ভিডিঅ' প্ৰচাৰ হোৱাৰ পিছতে ইউক্ৰেইনত উদ্ভৱ হয় এনে চিন্তাৰ। অনুষ্ছঠানৰ আয়োজকসকলৰ মতে অংশগ্ৰহণকাৰীসকলে তেওঁলোকৰ যৌন চাহিদাক বজাবলৈ হাতত কেতবোৰ বিশেষ চিন আঁকি আনিব লাগিব। সেই চিন চায়েই তেওঁ কেনেধৰণৰ যৌন আনন্দ বিচাৰে সেই বিষয়ত আয়োজকসকল নিশ্চিত হ’ব পাৰিব।
ইপিনে মাৰ্কিন ৰাষ্ট্ৰপতি জো বিডেনে সতৰ্ক কৰি দিছে যে যদি ভ্লাদিমিৰ পুটিনে ইউক্ৰেইনত যুদ্ধ জিকিবলৈ কৌশলগত পাৰমাণৱিক অস্ত্ৰ ব্যৱহাৰ কৰে তেন্তে পৰিস্থিতি ভয়াৱহ হ'ব। ইউক্ৰেইনৰ স্থানীয় লোকসকলে কয় যে ৰাছিয়াই তেওঁলোকক যিমানে ভয় খুৱাবলৈ চেষ্টা কৰিব, সিমানেই তেওঁলোকে ইয়াক আশাবাদলৈ ৰূপান্তৰিত কৰিব।
ৰাছিয়াৰ ৰাষ্ট্ৰপতি ভ্লাদিমিৰ পুটিনে ইউক্ৰেইনৰ সীমান্তত পাৰমাণৱিক পৰীক্ষাৰ পৰিকল্পনা কৰি আছে বুলি ধাৰণা কৰা হৈছে আৰু কিয়েভৰ সামৰিক বিষয়াসকলেদেশবাসীক পটাছিয়াম আয়োডাইড পিল যোগান ধৰিছে। অই পিলে সম্ভাৱ্য পাৰমাণৱিক আক্ৰমণত নিগৰিত হ’বলগীয়া ক্ষতিকাৰক বিকিৰণ শোষণ কৰাত সহায় কৰিব পাৰে।
Continue Reading
