সাপ যিমানেই বিষাক্ত নহওঁক কিয়, খালী হাতেৰেই ধৰে তেওঁ। বিষাক্ত সাপৰ সৈতে কিমন যে খেলা নেদেখুৱায় তেওঁ। সাপ ধৰাটো ভাতৰ লগত পানী খোৱাৰ দৰেই তেনেই সহজ কাম তেওঁৰ বাবে।কিন্তু জীৱনটো সাপৰ সৈতেই খেলা কৰি কটোৱা লোক জনৰ মৃত্যু হ’ল সৰ্প দংশনতেই।

Listen to Article

2 min read

80%

ডিজিটেল ডেস্কঃ সাপ যিমানেই বিষাক্ত নহওঁক কিয়, খালী হাতেৰেই ধৰে তেওঁ। বিষাক্ত সাপৰ সৈতে কিমন যে খেলা নেদেখুৱায় তেওঁ। সাপ ধৰাটো ভাতৰ লগত পানী খোৱাৰ দৰেই তেনেই সহজ কাম তেওঁৰ বাবে।কিন্তু জীৱনটো সাপৰ সৈতেই খেলা কৰি কটোৱা লোক জনৰ মৃত্যু হ’ল সৰ্প দংশনতেই।

চুৰুৰ গোগামেডি অঞ্চলৰ এখন দোকানৰ বাহিৰত এডাল বিষাক্ত গোখৰো ওলাইছিল। লগে লগে খবৰ দিয়া হৈছিল ৰাজস্থানৰ 'স্নেকমেন' হিচাবে পৰিচিত বিনোদক। সাপডাল ধৰিবলৈ বিনোদ নামৰ লোকজন সেই ঠাইলৈ দৌৰি আহিছিল কেইমিনিটমান চেষ্টা কৰাৰ পিছত বিনোদে সাপডাল বেগ এটাৰ ভিতৰত ভৰাবলৈ সক্ষম হৈছিল।

সাপ ধৰাটো বিনোদৰ এটা বৃত্তি আছিল। তেওঁক অঞ্চলটোত 'স্নেকমেন' বুলি জনা গৈছিল। ৰাজস্থানৰ চুৰু জিলাৰ বিনোদ তিৱাৰীয়ে তেওঁৰ জীৱনকালত ধৰিব নোৱাৰা কোনো সাপ নাই। কিন্তু সিদিনা ধৰা সাপডালে হঠাতে তেওঁক দংশন কৰে।সাপডালে কামোৰাৰ ফলত ৪৫ বছৰীয়া বিনোদৰ কিছুসময় পিছতে তেওঁৰ মৃত্যু হয়।

বিনোদে অলপ অন্যমনস্ক হোৱাৰ লগে লগে সাপডালে আঙুলিত কামুৰিছিল। কেইমিনিটমানৰ ভিতৰতে বিনোদৰ মৃত্যু হয়। গোটেই ঘটনাটো দোকানৰ বাহিৰত এটা চিচিটিভি কেমেৰাত ধৰা বন্দী হৈ ৰয়।

স্থানীয় বাসিন্দাসকলে কয় যে সাপ ধৰাটো বিনোদৰ বৃত্তি আৰু আসক্তি আছিল। তেওঁ বিভিন্ন ঠাইৰ পৰা সাপ ধৰিছিল আৰু সেইবোৰ অৰণ্যত এৰি দিছিল। এদিনৰ সাপৰ কামোৰতেএ তেওঁৰ মৃত্যু হ’ব বুলি কোনেও ভবা নাছিল।অঞ্চলটোৰ মানুহে বিনোদক বহুত ভাল পাইছিল। সেয়ে অঞ্চলটোৰ বহু সংখ্যক লোক তেওঁৰ অন্ত্যেষ্টিক্ৰিয়াত উপস্থিত থকা পৰিলক্ষিত হয়।