জীৱশ্ৰেষ্ঠৰ নিকৃষ্ট কাণ্ড! হানি-খুঁচি হত্যা বাটৰুৱা কুকুৰক

ডিজিটেল ডেস্কঃ জীৱশ্ৰেষ্ঠ মানুহ৷ এইখন জগতত মানুহতকৈ শ্ৰেষ্ঠ আন একোৱেই নাই৷ কিন্তু আমি সঁচাকৈয়ে জীৱশ্ৰেষ্ঠৰ শাৰীত পৰো নে? বহুসময়ত জীৱশ্ৰেষ্ঠ মানুহেই দানৱৰূপী কাণ্ড সংঘটিত কৰে৷ মধ্য প্ৰদেশৰ গোৱালিয়ৰ জিলাত সংঘটিত হৈছে এই নিকৃষ্ট কাণ্ড৷

খবৰ অনুসৰি, ১০ দিনৰ পূৰ্বে, এজন কুৱেৰী চিকিৎসকৰ পুত্ৰক এই বাটৰুৱা কুকুৰে কামুৰিছিল, আঘাতটো অত্যধিক গুৰুতৰো নাছিল। কুকুৰটোৱে তেওঁলোকৰ পুত্ৰক কামোৰাত দেউতাকৰ প্ৰচণ্ড খং উঠিছিল। তাৰ পাছতে তেওঁ দিন-ৰাতি একাকাৰ কৰি কুকুৰটো বিচাৰি আছিল। ঘটনাটোৰ পিছদিনা, তেওঁ এই বাটৰুৱা কুকুৰটো গাঁওখনৰে এখন চৰকাৰী বিদ্যালয়ৰ পিছফালে বিছাৰি পাইছিল। ইয়াৰ পাছতে লোকজনে খঙত অগ্নিশৰ্মা হৈ বাটৰুৱা কুকুৰটোক এখন ঘন জংঘললৈ নি চোকা অস্ত্ৰৰে টুকুৰা-টুকুৰ কৰি কাটে, কুকুৰটোৱে সেই সময়ত মৃত্যু যন্ত্ৰণাত ছট-ফটাই কেকাই-কেকাই চিঞৰা থকাৰ পাছতো কেৱল আঘাতেই কৰি গ’ল৷

মানুহজনে কুকুৰটোক বাৰে বাৰে ৰডৰে প্ৰহাৰ কৰি আৰু তাৰ পাছত চুৰিৰে ভৰি কাটি পেলায়৷ কুকুৰটোক এনে নিৰ্মমভাৱে হত্যা কৰা সংগ্ৰহ ভিডিঅ’ সামাজিক মাধ্যমত বিয়পি পৰাৰ লগে-লগে সকলো লোকে প্ৰতিক্ৰিয়া ব্যক্ত কৰিছে৷ এই কাণ্ডক সকলো লোকে একেমুখে গৰিহণা দিয়াৰ লগতে লোকজনে মানসিক ভাৰসাম্য হেৰুৱাই পেলাইছে বুলি বহুতে কৈছে৷

ইতিমধ্যে জিলাখনৰ আৰক্ষী অধীক্ষকে এই সমগ্ৰ ঘটনাটোৰ ওপৰত তদন্ত অব্যাহত ৰাখিছে৷ ইতিমধ্যে আৰক্ষীয়ে মৃত কুকুৰটোৰ মৃতদেহ চমজি লৈছে৷ এই নিকৃষ্ট ঘটনাটোৰ লগত জড়িত মূল লোকজন পেছাত এজন চিকিৎসক৷ ভিডিঅ’ ভাইৰেল হোৱাৰ পাছতে পশু অধিকাৰ সংগঠনবোৰে চিকিৎসকজনৰ বিৰুদ্ধে উপযুক্ত ব্যৱস্থা ল’বলৈ আৰক্ষীৰ কাষ চাপিছে। এই নিন্দনীয় ঘটনাটোৰ পাছত সকলোৰে মাজত প্ৰশ্ন হৈছে আমি সচাকৈয়ে জীৱশ্ৰেষ্ঠৰ শাৰীত পৰোনে?