বিবৃতিটোত কোৱা হৈছে যে ৰাজনীতিবিদসকলে সমিতিখনক শান্তিৰ নবেল বঁটাৰ বাবে ২০২২ চনৰ মনোনয়ন প্ৰক্ৰিয়া পুনৰ মুকলি আৰু পুনৰ বিবেচনা কৰিবলৈ আহ্বান জনায়।
ডিজিটেল ডেস্ক:
শেহতীয়াকৈ পুটিনৰ সমান্তৰালকৈ সংবাদ শিৰোনাম দখল কৰা এজন ব্যক্তি হৈছে ভ’ল’ডিমিৰ জেলেনস্কী৷ ভ’ল’ডিমিৰ জেলেনস্কীয়ে পোৱা উচিত শান্তিৰ নবেল বঁটা! কেইবাজনো বৰ্তমান আৰু প্ৰাক্তন ইউৰোপীয় ৰাজনীতিবিদে ২০২২ চনত ইউক্ৰেইনৰ ৰাষ্ট্ৰপতি ভ’ল’ডিমিৰ জেলেনস্কীক শান্তিৰ নবেল বঁটাৰ বাবে মনোনীত কৰিবলৈ অনুৰোধ জনায়৷ এই বিষয়ে ন’ৰৱেৰ নবেল কমিটীক সম্বোধনো কৰে৷ লগতে মনোনয়ন প্ৰক্ৰিয়া ৩১ মাৰ্চলৈ বৃদ্ধি কৰাৰ আহ্বান জনায়।
এই সন্দৰ্ভত ১১ মাৰ্চত এক বিবৃতিও প্ৰকাশ পাইছিল৷
বিবৃতিটোত কোৱা হৈছে, ‘সেয়েহে আমি আপোনাক, সমিতিখনক বিবেচনা কৰিবলৈ নম্ৰতাৰে আহ্বান জনাইছো৷ ৰাষ্ট্ৰপতি জেলেনস্কী আৰু ইউক্ৰেইনৰ জনসাধাৰণৰ বাবে শান্তিৰ নবেল বঁটা মনোনয়নৰ অনুমতি দিবলৈ অনুৰোধ জনালো৷ শান্তিৰ নবেল বঁটাৰ বাবে মনোনয়ন প্ৰক্ৰিয়া ৩১ মাৰ্চ ২০২২লৈ সম্প্ৰসাৰিত কৰাৰ অনুৰোধ জনোৱা হ’ল৷’
বিবৃতিটোত কোৱা হৈছে যে ৰাজনীতিবিদসকলে সমিতিখনক শান্তিৰ নবেল বঁটাৰ বাবে ২০২২ চনৰ মনোনয়ন প্ৰক্ৰিয়া পুনৰ মুকলি আৰু পুনৰ বিবেচনা কৰিবলৈ আহ্বান জনায়। এই বছৰৰ নবেল বঁটা ঘোষণা ৩-১০ অক্টোবৰলৈ কৰা হ’ব। ২০২২ চনৰ নবেল শান্তি বঁটাৰ বাবে প্ৰায় ২৫১জন ব্যক্তি আৰু ৯২টা সংগঠনে আৱেদন জনাইছিল।
