ডিজিটেল ডেস্কঃ এটা শিশু মাতৃৰ হাততে আটাইতকৈ সুৰক্ষিত। মাতৃয়ে মৰমেৰে ডাঙৰ-দীঘল কৰে, আদৰ কৰে আৰু প্ৰতিটো দুৰ্যোগৰ পৰা সন্তানক ৰক্ষা কৰে। কিন্তু এগৰাকী মাতৃয়ে এনেকুৱা এটা কাম কৰিছে যিটো কথা শুনিলে খং নুঠা মানুহৰো প্ৰচণ্ড খং উঠিব। আমেৰিকাৰ কেলিফৰ্ণিয়াত এগৰাকী মাতৃয়ে নিজৰ ডেৰ মাহ বয়সীয়া সন্তানটোৰ কান্দোন বন্ধ কৰিবলৈ এক বিপদজনক কাণ্ড কৰে।
খবৰ অনুসৰি আমেৰিকাৰ কেলিফৰ্ণিয়াত এগৰাকী মাতৃয়ে নিজৰ কেঁচুৱাটোক চুপ ৰাখিবলৈ গাখীৰৰ বটলত মদ ভৰাই দিয়াৰ অভিযোগ উত্থাপন হৈছে। হনেষ্টী ডি লা টৰে নামৰ এগৰাকী ৩৭ বছৰীয়া মহিলাৰ বিৰুদ্ধে নিজৰ সন্তানৰ জীৱন বিপন্ন কৰাৰ অভিযোগ উত্থাপন হৈছে। আমেৰিকাৰ লছ এঞ্জেলছৰ পৰা ৫৫ মাইল পূবে ৰিয়াল্ট’ৰ সমীপত সংঘটিত হয় এই ঘটনা।
মাতৃগৰাকীয়ে গাড়ী চলাই আহি আছিল। তেনেতে তেওঁৰ ডেৰ মহীয়া সন্তানটোৱে জোৰেৰে কান্দিবলৈ ধৰিলে। কান্দি থকা শিশুটিক শান্ত কৰিবলৈ মাকে গাড়ীখন ৰখাই গাখীৰৰ বটলটোত মদ ভৰাই দি সন্তানটিক খাবলৈ দিয়ে। সেয়া পান কৰাৰ লগে লগে শিশুটিৰ অৱস্থা বেয়া হৈ পৰে। ইয়াৰ পাছত শিশুটিক চিকিৎসালয়ত ভৰ্তি কৰোৱা হয়। বৰ্তমান শিশুটি চিকিৎসালয়ত চিকিৎসাধীন হৈ আছে। অভিযুক্ত মাতৃগৰাকীক ৬০ হাজাৰ ডলাৰৰ জৰিমনাৰে ৱেষ্ট ভেলী ডিটেনচন চেণ্টাৰত ৰখা হৈছে।
Continue Reading
