ডিজিটেল ডেস্কঃ ইছলামিক জিহাদৰ নামত এতিয়া বিশ্বৰ বিভিন্ন দেশত মুছলমান লোককেই হত্যা কৰি থকা হৈছে। শেহতীয়াকৈ কাবুলত এখন বাছত সংঘটিত ভয়ংকৰ বিস্ফোৰণত চিয়া সম্প্ৰদায়ৰ সাতজন লোক নিহত হৈছে। ইছলামিক ষ্টেটে এই আক্ৰমণৰ দায়িত্ব স্বীকাৰ কৰিছে।সংবাদ সংস্থাৰ বাতৰি মতে ঘটনাটো কাবুলৰ দস্ত-ই-বাৰ্চি অঞ্চলত সংঘটিত হৈছে।সেই ঠাইত এখন বাছত বোমাৰ ভয়ংকৰ বিস্ফোৰণ ঘটে।
কাবুল আৰক্ষীৰ মুখপাত্ৰ খালিদ জাদৰানে কয়, "কাবুলৰ দস্ত-ই-বাৰ্চি অঞ্চলত এখন যাত্ৰীবাহী বাছত বিস্ফোৰণ সংঘটিত হয়। ঘটনাটোত ৭ জন লোক নিহত হৈছে। এই ঘটনাত আন বিশজন লোক আহত হৈছে।’’ বাতৰি অনুসৰি, ঘটনাটোৰ পিছত সুৰক্ষা কৰ্মীয়ে অঞ্চলটোত উপস্থিত হৈ তদন্ত আৰম্ভ কৰিছে। ভুক্তভোগী সকলৰ আটাইকেইজন সংখ্যালঘু চিয়া সম্প্ৰদায়ৰ লোক বুলি জানিব পৰা গৈছে।
তালিবান, আল কাইদা আৰু ইছলামিক ষ্টেটৰ দৰে চুন্নী উগ্ৰপন্থী গোটে সদায় আফগানিস্তানৰ চিয়া আৰু হাজাৰা মুছলমানসকলক আক্ৰমণৰ লক্ষ্য কৰি লৈছে।যোৱা মাহত শুক্ৰবাৰৰ নামাজৰ সময়ত আফগানিস্তানৰ এটা মছজিদত আক্ৰমণ চলাই বহু লোকক হত্যা কৰা হৈছিল। যোৱা বছৰ সন্ত্ৰাসবাদীয়ে কাবুলৰ এটা মছজিদৰ লগতে মাজাৰ-ই-শ্বৰীফত বোমা বিস্ফোৰণ সংঘটিত কৰিছিল।সেই ঘটনাত ১৬ জন লোকৰ মৃত্যু ঘটিছিল। আনহাতে বহুলোক আঘাতপ্ৰাপ্ত হৈছিল। সেই সময়তো মৃত আৰু আহতসকলৰ প্ৰায় আটাইয়ে আফগানিস্তানৰ সংখ্যালঘু মুছলমান চিয়া সম্প্ৰদায়ৰ আছিল।
Continue Reading
