ডিজিটেল ডেস্কঃ মধ্যপ্ৰদেশৰ ছিণ্ডৱাৰা কোতৱালি থানাৰ পৰা পোহৰলৈ আহিছে এক অদ্ভুত ঘটনা। থানাৰ ষ্ট’ৰৰুমত ৰখা জব্দ কৰি থোৱা ৬০টা সুৰাৰ বটল খালী কৰে নিগনিয়ে। চিন্তিত আৰক্ষীয়ে মালখানাত নিগনিৰ ধৰিবলৈ পিঞ্জৰা স্থাপন কৰিছে। কিছুমান নিগনিও ধৰা পৰিছে। এতিয়া এই বিষয়টোক লৈ চৰ্চা চলি আছে। ছ’চিয়েল মিডিয়াতো ভাইৰেল হৈ পৰিছে।
কোতৱালি থানাৰ উমেশ গোলহানীয়ে কয় যে জব্দ কৰা মদৰ বটলসমূহ গুদামত জমা কৰা হয়। যেতিয়া কোনোবাই আদালতত হাজিৰ হ’বলগীয়া হয়, তেতিয়া জব্দ কৰা সুৰাখিনি আদালতত প্ৰমাণ হিচাপে দাখিল কৰিব লগা হয়।
কিন্তু, ষ্ট’ৰৰুমত গৈ দেখা পাই যে সুৰাৰ বটলবোৰ নিগনিয়ে খালী কৰিছিল। থানাৰ ষ্ট’ৰৰুমত ৰখা সুৰাৰ কাৰ্টনবোৰ নিগনিয়ে কাটি পেলাইছিল। তাত ৰখা ৬০-৬৫টা সৰু সৰু প্লাষ্টিকৰ সুৰাৰ বটল ফুটা কৰি দিছিল নিগনিয়ে। ইয়াৰ বাবে বটলত ৰখা সুৰা লিক হৈ কাৰ্টন খালী হৈ পৰে। এই ঘটনাক লৈ এতিয়া বিমোৰত পৰিছে আৰক্ষী।
Continue Reading
